औरंगाबाद : संजय नगर येथील ४१ वर्षीय महिला व बहादुरपुरा येथील ७० वर्षीय वृद्धेचा कोरोनाच्या उपचारादरम्यान मृत्यु झाला. त्यामुळे शहरातील मृतांचा आकडा ४४ झाला आहे.
संजय नगर येथील ४१ वर्षीय महिलेला १६ मे रोजी घाटीत भरती करण्यात आले होते. १९ मे ला त्या पाॅझीटीव्ह असल्याचा अहवाल प्राप्त झाला होता. कोरोनामुळे त्यांना दोन्ही बाजुने न्युमोनिया, तीव्र श्वसनविकार, पुर्वीचा मधुमेह, उच्चरक्तदाब यामुळे त्यांचागुरुवारी दुपारी एक वाजता मृत्यु झाल्याचे डाॅक्टर म्हणाले. तर बहुदुरपुरा येथील ७० वर्षीय वृद्ध महिलेला १४ मे रोजी भरती करण्यात आले होते. त्यांचा अहवाल १५ मेला पाॅझीटीव्ह आला. न्युमोनिया, तीव्र श्वसन विकार, मधुमेह, उच्चरक्तदाब असल्याचे त्यांची प्रकृती बिघडली. त्यामुळे शुक्रवारी पहाटे सव्वातीन वाजता त्यांचा मृत्यु झाल्याचे डाॅ. अरविंद गायकवाड यांनी कळवले आहे.