coronavirus : औरंगाबादमध्ये दिवसभरात ९९ पॉझिटिव्ह; रुग्णसंख्या ४७७

शहरातील २६ व सीआरपीएफचे ७३ असे ९९ रुग्ण एकाच दिवसात वाढले

ठळक मुद्देशहरात ७४ सीआरपीएफ जवान पॉझिटिव्ह

औरंगाबाद : शहरात शुक्रवारी सकाळी दोन तासात ९० ने वाढ झाल्यावर सायंकाळी पुन्हा नऊ रुग्णांची भर पडली आहे. यात एसआरपीएफचा एक जवान, संजयनगर मुकुंदवाडी येथील ८ रुग्णांचा समावेश आहे. असे जिल्हा शल्यचिकीत्सक डॉ. सुंदर कुलकर्णी यांनी सांगीतले. यामुळे शहरातील २६ व सीआरपीएफचे ७३ असे ९९ रुग्ण एकाच दिवसात वाढल्याने शहराचा कोरोना बाधिताचा आकडा ४७७ झाला 

मालेगाव येथे दीड महिना लॉकडाऊनचा बंदोबस्त करून परतलेल्या औरंगाबाद राज्य राखीव पोलिस दलाच्या डी कंपनीतील ११० जवानांची ५ मे रोजी परतल्यानंतर जवानांना श्रेयस कॉलेजमध्ये क्वॉरंटाइन करण्यात आले. ६ मे रोजी आरोग्य पथकाने त्यांचे स्वॅब घेतले होते. त्यापैकी ७२ जवानांना कोरोनाची लागण झाली. राज्य राखीव दलाच्या एका जवानाला २८ एप्रिलला कोरोनाची बाधा झाली होती.  तर शुक्रवारी सकाळी ७२ तर सायंकाळी एक असे एकुण ७४ जवान यात बाधित झाले आहेत.

दरम्यान, शहरात शुक्रवारी सकाळी १८ रुग्णांचा अहवाल पॉझिटिव्ह  आल्यानंतर सायंकाळी आणखी ८ जणांचा अहवाल पॉझिटिव्ह आला. यामुळे शहरातील २६ व सीआरपीएफचे ७३ असे ९९ रुग्ण एकाच दिवसात वाढल्याने शहराचा कोरोना बाधिताचा आकडा ४७७ झाला आहे. आज पॉझिटिव्ह आलेल्या रुग्णात सीआरपीएफ ७३, जयभीमनगर ४, बायजीपुरा ३ , बेगमपुरा ४, भीमनगर १, शहाबाजार १, ध्यान नगर गारखेडा १ , कटकट गेट १ , सिकंदर पार्क १, मुकुंदवाडी ९, खुलताबाद १ येथील रुग्णांचा समावेश आहे.