छत्रपती संभाजीनगर : मालमत्ता कर व पाणीपट्टी वसुलीतून यंदा ३५० कोटी रुपये मनपाच्या तिजोरीत येतील, अशी अपेक्षा होती. ३१ मार्चला अजून १२ दिवस शिल्लक आहेत. सोमवारपर्यंत मालमत्ता करातून १३२ कोटी ४६ लाख, तर पाणीपट्टीच्या माध्यमाने २२ कोटी ४७ लाख रुपये, असे एकूण १५४ कोटी ९३ लाख रुपये वसूल झाले आहेत. पुढील १२ दिवसांत मनपा किती वसुली करणार, याकडे सर्वांचे लक्ष लागले आहे.
मनपा प्रशासक जी. श्रीकांत यांनी यंदा मालमत्ता कर, पाणीपट्टी वसुलीसाठी जीएसटी विभागातील अनुभवी अधिकाऱ्यांची मदत घेतली. त्यामुळे वसुलीचा आकडा मार्चपर्यंत मोठा असेल, असा अंदाज वर्तविला जात होता. मागील वर्षाच्या तुलनेत वसुली थोडी जास्त आहे. करमूल्य निर्धारण अधिकारी अपर्णा थेटे यांनी झोननिहाय बैठका घेतल्या. गुगल शिटवर वसुलीची व्यवस्था करून दिली. वसुली न करणाऱ्या कर्मचाऱ्यांचा पगारही कापण्यात आला. मनपाच्या इतिहासात प्रथमच थकबाकीदारांना जप्तीच्या नोटिसासुद्धा बजावण्यात आल्या. मालमत्ता कर आणि पाणीपट्टीची वसुली १५५ कोटींवर पोहोचली आहे.
आतापर्यंतच्या वसुलीचा आलेख (आकडे कोटीत)वर्षे ------------मालमत्ता कर------- पाणीपट्टी२०१८-१९------ १०९.७९-----------२६.२६२०१९-२०-------११५.३७-----------२९.२९२०२०-२१-------१०७.७६-----------२९.०६२०२१-२२------१२९.५९-----------३७.५३२०२२-२३-----११५.०७----------२५.८२ २०२३-२४-----१३२.४६----------२२.२२ (आजपर्यंत)
झोननिहाय वसुलीचा आलेखझोन --------- मालमत्ता कर-------- पाणीपट्टी---------------- एकूण (कोटी)एक --------- १२.४९---- ---------- १.४६--------------- १३.९५दोन ---------- ११.९३-------------- १.६८-------------- १३.६१तीन---------- ०४.८६-------------- १.१९--------------- ०६.०५चार----------- १२.४१------------ ३.७०----------------- १६.११पाच----------- १८.५६------------ ३.१४------------------ २१.७०सहा----------- ०९.७८------------ २.३३------------------ १२.११सात----------- २१.७८------------ ३.९३------------------ २५.७१ आठ---------- २४.७२------------- ०.७४------------------- २४.९६ नऊ---------- १६.३८-------------- ४.३०------------------- २०.६८दहा --------- ००.०५-------------- ००.०० ------------------ ००.०५एकूण---------१३२.४६----------- २२.४७ ----------------- १५४.९३