औरंगाबाद : परभणीला कुंकू-टिळा कार्यक्रमाला जाणाऱ्या औरंगाबादच्या युवकांच्या गाडीचा आज सकाळी १०.३० च्या दरम्यान करमाडजवळ भीषण अपघात झाला. यात तीन युवक जागीच ठार झाले असून तिघे गंभीर जखमी झाले. जखमींवर शासकीय रुग्णालय घाटी येथे उपचार सुरू आहेत. दरम्यान उपचार सुरु असताना नवरदेवाचाही मृत्यू झाला.
या बाबत अधिक माहिती अशी कि, शहरातील बायजीपुरा येथील एका युवकाचा परभणी येथे कुंकू-टिळ्याचा कार्यक्रम होता. या निमित्त आज सकाळी नवरदेवासह पाच जण चारचाकीने परभणीला निघाले. या दरम्यान जालना रोडवरील करमाडजवळील सटाणा फाटा येथे अचानक चालकाचे गाडीवरील नियंत्रण सुटले आणि गाडीचा भीषण अपघात झाला. यात गाडीतील तिघे जागीच ठार झाले असून अन्य तिघे गंभीर जखमी झाले. जखमींवर शासकीय रुग्णालय घाटी येथे उपचार सुरु आहेत. दरम्यान, अपघातात गंभीर जखमी नवरदेवाचाही उपचार सुरु असताना मृत्यू झाला.
मृतांची नावे अशी -अबुद्दिन हसनबिन समिदा (२६ ), तबरेज खान राजू खान (२४), शेख मोह. मुझफरुद्दिन (२६ ), शेहजाद बागवान (२४ )