औरंगाबाद : सासऱ्याची तब्येत बरी नसल्यामुळे सासूरवाडीला गेलेल्या केबल ऑपरेटरचे बंद घर फोडुन सुमारे दिड लाखाची सोन्याचांदीची दागिने आणि रोख रक्कम चोरून नेणाऱ्या चोरट्याला २४ तासांच्या आत जिंसि पोलिसांनीअटक केली .
सय्यद हनीफ ऊर्फ बा सय्यद हबीब (२२ , रा . शरीफ कॉलनी ) असे अटकेतील चोराचे नाव आहे . पोलिसांनी सांगितले की किराडपुरा येथील अहेमद खान साहेब खान यांच्या सासरे आजारी असल्यामुळे अहेमद हे घराला कुलूप लावून सहपरिवार शरीफ कॉलनीत १० ते १२ दिवसापासून सासूरवाडीत गेले होते . २ जून रोजी पहाटे ३ वाजता नळाचे पाणी भरण्यासाठी ते घरी परतले असता चोरट्यानी घर फोडल्याचे त्यांना दिसले लोखंडी कपाटाचे लॉकर उघडून त्यातील सोन्याची रिंग , अंगठी , एकदाणी, सोन्याची पट्टी , सोन्याचे मणी , चांदीचे जोडवे आणि रोख ३० हजार असा सुमारे दिड लाखाचा ऐवज चोरट्यानी पळविल्याचे दिसले .
याविषयी त्यांनी जिंसी पोलीस ठाण्यात तक्रार नोंदविली . पोलीस निरीक्षक व्यंकटेश केंद्रे , सहाय्यक पोलीस निरीक्षक शरद जोगदंड ,पोलीस उपनिरीक्षक दत्ता शेळके , रफी शेख ,संपत राठोड, हारुण शेख , संजय गावंडे , गणेश नागरे आणि प्रवीण टकले यांच्या पथकाने तपास करून संशयित आरोपी सय्यद हनिफ याला पकडले . सुरवातीला तो उडवाउडवीची उत्तरे पोलिसांना देऊ लागला . पोलिसांनी खाक्या दाखविताच गुंह्याची कबुली त्याने दिली . शरीफ कॉलनीत सासूरवाडीत राहत असलेल्या कुटुंबाचे घर त्याला माहित होते . यामुळे संधी साधून ही घरफोडी केल्याचे तो म्हणाला . चोरलेला माल त्याने पोलिसांच्या हवाली केला .