औरंगाबाद : सावंगी बायपासवर भरधाव ट्रकच्या धडकेत एका मुलीचा मृत्यू झाला. ही घटना आज सकाळी ७.१५ वाजेच्या सुमारास घडली. शितल श्रीपाद भालेराव (१६ ) असे मृत युवतीचे नाव असून ती दहावी इयत्तेत शिक्षण घेत होती.
याबाबत पोलिसांनी दिलेल्या माहितीनुसार, हर्सूल येथील कृष्णपूरवाडी येथे राहणारी शीतल आज सकाळी आपल्या दुचाकीवरून (एमएच २० -सीझेड १८३३) मयूरपार्क येथील शाळेसाठी निघाली होती. सावंगी बायपासवर ७.१५ वाजेच्या दरम्यान तिला भरधाव ट्रकने (एमएच ४८ -एजी ४९८५ ) धडक दिले. यात तिचा मृत्यू झाला. याप्रकरणी ट्रकचालकावर गुन्हा दाखल करण्यात आला आहे. पुढील तपास पोलीस हेडकॉन्स्टेबल जनार्दन मुरमे करत आहेत.