सायंकाळी सहा-सात मित्र पोलीस भरतीच्या सरावासाठी चिंतलधाबा रोडकडे गेले होते. सराव करून परत येत असताना चिंतलधाब्याकडून पोंभुर्ण्याकडे भरधाव दुचाकीने (एमएच ३४ ए डब्लू ३२७१) स्वामी विवेकानंद पब्लिक स्कूलजवळील बोरीच्या नाल्याजवळ पायी येणाऱ्या तरुणांना जबर धडक दिली. यात रोहित भांडेकर या तरुणाच्या डोक्याला गंभीर दुखापत झाली. त्याचा घटनास्थळीच मृत्यू झाला. त्याचा मित्र शेषराव ढोले यालाही जबर मार लागला आहे. दुचाकीस्वार चालक नरेंद्र कोमलवार याच्याही डोक्याला गंभीर मार लागल्याने त्याला चंद्रपूरच्या खासगी रुग्णालयात भरती करण्यात आले आहे.
दुचाकीस्वार नरेंद्र मारोती कोमलवार यांच्याविरुद्ध पोंभूर्णा पोलिसांनी कलम २७९, ३३७, ३३८, ३०४ (अ) भादंवि सहकलम १८४, १३४/१७७, मोटार वाहन कायद्यांतर्गत गुन्हा दाखल करण्यात आले आहे. याप्रकरणी घटनेचा पुढील तपास ठाणेदार धर्मेंद्र जोशी यांच्या मार्गदर्शनाखाली पोलीस उपनिरीक्षक डी. एस. ओल्लालवार करीत आहेत.