हिरापूर येथे महिला शेतकरी प्रशिक्षण शिबिर

कोरपना : स्त्री शक्ती महिला ग्रुप, हिरापूर व कृषी विभाग, कोरपना यांच्या सयुक्त विद्यमाने हिरापूर येथे महिला शेतकऱ्यांचे एकदिवसीय प्रशिक्षण घेण्यात आले. हिरापूर येथील भगवान बोबडे यांच्या शेतावर आयोजित या प्रशिक्षणाचे उद्घाटन राजुराचे उपविभागीय कृषी अधिकारी गोविंद मोरे यांच्या हस्ते करण्यात आले.

या कार्यक्रमाच्या अध्यक्षस्थानी उषाताई काळे होत्या. यावेळी व्यासपीठावर कोरपना तालुका कृषी अधिकारी रवींद्र डमाले, कृषी सहाय्यक रेणुका कोकणे, बिबी येथील प्रगतशील शेतकरी हबीब शेख, पोलीस पाटील योगिता टिपले, सहाय्यक शिक्षक प्रशांत गोखरे, सहाय्यक शिक्षक सुनील अलोणे, सेवानिवृत्त मुख्याध्यापक माधव वाघमारे उपस्थित होते. या प्रशिक्षण शिबिरात उपविभागीय कृषी अधिकारी मोरे यांनी शासकीय योजना, हरभरा, सोयाबीन बीज उत्पादन, सेंद्रिय भाजीपाला लागवड, टार्यकोकार्ड चिलोणीस सापळे कसे बनवावे, याविषयी मार्गदर्शन केले. बिबी येथील प्रगतशील शेतकरी हबीब शेख यांनी बहुपीक पद्धतीने भाजीपाला लागवड, वनस्पतीजन्य कीटकनाशक घरच्या घरी तयार करण्याबाबत माहिती दिली.

यावेळी हिरापूर येथील महिला शेतकरी मोठ्या संख्येने उपस्थित होत्या. सूत्रसंचालन बबिता वाघमारे यांनी केले तर प्रास्ताविक लता काळे यांनी केले. जयश्री डाहुले यांनी आभार मानले. या शिबिरासाठी स्त्री शक्ती महिला ग्रुपच्या संगीता चटप, विनिता काळे, मनिषा बदकी, मनिषा सिडाम, सुवर्णा सिडाम, दिशा काळे, सुवर्णा ठाकरे, वैशाली चौधरी, शारदा मडावी, संगीता कामटकर, तेजल टिपले, माया सिडाम, उषा डाहुले, मंथना पुनवटकर, निर्मला आत्राम, मनिषा जोगी, माधुरी कन्नाके, तेजस्विनी बोबडे, अर्चना बल्की, मीरा मडचापे, रेश्मा डाहुले यांनी सहकार्य केले.