रस्त्यांवरील पांढरे पट्टे गायब

उद्योग आहे, पण एमआयडीसी नाही

कोरपना : तालुका निर्मिती होऊन बराच कालावधी लोटला आहे. मात्र येथे एमआयडीसी नसल्याने बेरोजगारांना कामासाठी इतरत्र भटकावे लागत आहे. विशेष म्हणजे, कोरपना तालुक्यात सिमेंट कंपन्या आहेत. मात्र येथे स्थानिकांना कामच मिळत नसल्याची स्थिती आहे. कोरपना येथे एमआयडीसीची निर्मिती करून बेरोजगारांच्या हाताला काम देण्याची मागणी आहे.

चंद्रपुरात परकोटाच्या भिंती ढासळतायेत

चंद्रपूर : शहरात असलेल्या परकोटाची दुरवस्था झाली आहे. याकडे पुरातत्व विभागाचे दुर्लक्ष होत आहे. मागील काही दिवसांपासून परकोट अनेक ठिकाणी पडला आहे. त्यामुळे शेजारी राहणाऱ्या नागरिकांना धोका निर्माण झाला आहे. याकडे संबंधितांनी लक्ष देणे गरजेचे आहे.

मुदतीत मिळत नाही वीज बिल

चंद्रपूर : जिल्ह्यातील अनेक गावांमध्ये विजेचे बिल वेळेत मिळत नसल्यामुळे ग्राहकांना अडचणींचा सामना करावा लागत आहे. यामुळे नागरिकांमध्ये वीज वितरण कंपनीविरुध्द रोष व्यक्त केला जात आहे. अनेकवेळा ग्राहकांना विलंब शुल्काचा भुर्दंड सहन करावा लागत आहे.

चंद्रपुरात डुकरांचा मुक्तसंचार

चंद्रपूर : स्थानिक बालाजी वाॅर्ड, वडगाव तसेच अन्य भागामध्ये डुकरांचा मुक्तसंचार असल्याने नागरिक त्रस्त बनले आहेत. या डुकरांमुळे साथीचे आजार पसरण्याची भीती व्यक्त केली जात आहे. महापालिकेने बंदोबस्त करावा, अशी मागणी केली जात आहे.

डास प्रतिबंधक औषध फवारणीचा विसर

चंद्रपूर : शहरातील पठाणपुरा, समाधी वॉर्ड, घुटकाळा, तुळशीनगर, वृंदावननगर, तसेच तुकूम परिसरात घाणीचे साम्राज्य आहे. त्यामुळे डासांचा प्रादुर्भाव वाढला आहे. महानगरपालिकेने नाल्यांची स्वच्छता करून डास प्रतिबंधक औषध फवारणी करणे गरजेचे आहे.

ग्राहकांना दिले जाते चाॅकलेट

चंद्रपूर : सध्या सुट्या पैशांची टंचाई आहे. त्यामुळे व्यावसायिक सुट्या पैशांऐवजी ग्राहकांना चॉकलेट किंवा अन्य वस्तू देऊन त्यांचे समाधान करीत आहेत. मात्र यामध्ये ग्राहकांचेच नुकसान होत आहे. संबंधित विभागाने लक्ष देऊन ही ग्राहकांची लूट थांबविणे गरजेचे आहे.