दोन दिवसांपासून बेपत्ता दाम्पत्य घरी परतले

दोन दिवसांपूर्वी घरी कुणालाही न सांगता घरातून अचानक बेपत्ता झालेले दाम्पत्य शुक्रवारी सुखरूप आपल्या घरी परतले.

चंद्रपूर: दोन दिवसांपूर्वी घरी कुणालाही न सांगता घरातून अचानक बेपत्ता झालेले दाम्पत्य शुक्रवारी सुखरूप आपल्या घरी परतले. त्यामुळे त्यांच्या कुटुंबीयांनी सुटकेचा श्वास सोडला. डॉ.अनुप हस्तक व राधा हस्तक असे या दाम्पत्याचे नाव आहे. दोन दिवसांपूर्वी डॉ.अनुक हस्तक व त्यांच्या पत्नी राधा अचानक घरी कुणालाही न सांगता निघून गेले होते. सर्वत्र शोध घेऊनही कुठेच पत्ता न लागल्याने यासंदर्भात त्यांच्या नातलगांनी रामनगर पोलीस ठाण्यात तक्रार केली होती. मात्र शुक्रवारी सायंकाळी हे दाम्पत्य सुखरूप घरी परत आले. त्यामुळे त्यांच्या आप्तांसह पोलिसांचाही जीव भांड्यात पडला. (प्रतिनिधी)