तवेराची दुचाकीला धडक, तीन गंभीर जखमी,

आक्सापूर : कोठारीकडून गोंडपिपरीकडे तवेरा गाडी प्रवासी घेऊन जात असताना देवई फाट्याच्या वळणावर दुचाकीला जबर धडक बसल्याने दुचाकीस्वार गंभीर जखमी झाला व तवेरा गाडीचे वाहनावरील नियंत्रण सुटल्याने जंगलात घुसून झाडाला धडक बसल्याने दोन महिला गंभीर जखमी झाल्या तर दोन महिला किरकोळ जखमी झाल्या. ही घटना मंगळवारी रात्रीच्या सुमारास घडली.

तवेरा गाडी क्रमांक एमएच ३४ एएम ४७८२ ही प्रवासी घेऊन कोठारी मार्गे आक्सापूरकडे येत असताना देवई फाट्याच्या वळणावर दुचाकी क्रमांक एमएच ३४ एडब्ल्यू ६१६३ ला जबर धडक दिली. यात दुचाकीधारकाचा पाय तुटून तो गंभीर जखमी झाला. तवेरा गाडी रोडच्या कडेला जंगलात घुसून कुसुम गोविंदा आत्राम, बेरडी, सविता रवींद्र नगारे रा. गोंडपिपरी या दोन महिला गंभीर जखमी झाल्या तर दोन महिला किरकोळ जखमी झाल्या. या घटनेची माहिती मिळताच कोठारी पोलीस स्टेशनचे ठाणेदार तुषार चव्हाण हे आपल्या चमूसह घटनास्थळी दाखल झाले व जखमींना तात्काळ चंद्रपूर येथे दवाखान्यात रेफर केले. पुढील तपास कोठारीचे ठाणेदार तुषार चव्हाण यांच्या मार्गदर्शनात पोलीस हवालदार प्रकाश हुलके, बालाजी हे करीत आहेत.