Chandrapur Marathi News | चंद्रपूर मराठी बातम्या | Latest Chandrapur News in Marathi | चंद्रपूर ताज्या बातम्या | Chandrapur Crime Marathi News | चंद्रपूर ब्रेकिंग न्यूज़| Breaking & Live Chandrapur News | Chandrapur Local News Update| Today's Chandrapur News paper

चंद्रपूर : चंद्रपूर शहर हे औद्योगिक शहर आहे. त्यामुळे अनेक उ्द्योग येथे आहेत. महाराष्ट्र प्रदूषण नियंत्रण मंडळाने ठरवून दिलेल्या निकषावर उद्योगाची उभारणी तसेच प्रदूषण निर्मूलनासाठी उपाययोजना करणे बंधनकारक आहे. असे असतानाही येथे नियमांची पायमल्ली केली जात आहे. त्यामुळे प्रदूषण करणाऱ्या उद्योगांवर कारवाई करावी, अन्यथा मनसे आपल्या स्टाईलने आंदोलन करेल, असा इशारा नगरसेवक सचिन भोयर यांच्यासह मनसेच्या शिष्टमंडळाने दिला आहे.या वेळी महाराष्ट्र प्रदूषण नियंत्रण मंडळ चंद्रपूरचे कार्यालय शहरात शोभेची वस्तू ठरत असल्याचा आरोप करण्यात आला आहे. जिल्ह्यात मोठ्या प्रमाणात वायू, जल, ध्वनी प्रदूषण वाढत आहे. मात्र प्रदूषण पसरवणाऱ्या उद्योगांवर कोणतीही ठोस प्रतिबंधात्मक कारवाई केली जात नाही. उद्योगांतर्फे वृक्षारोपण व त्यांचे संवर्धनदेखील केले जात नाही. वाढते प्रदूषण चंद्रपुरातील नागरिकांसाठी चिंतेचा विषय झाला आहे.चंद्रपूर औष्णिक विद्युत केंद्रालगत दुर्गापूर गावात पावसासोबत केमिकलयुक्त फेसाळ ढग कोसळले आहे. त्यामुळे नागरिकांमध्ये भीतीचे वातावरण पसरले आहे, या उद्योगांवर त्वरित कारवाई करून प्रदूषण आटोक्यात न आणल्यास आंदोलन करण्याचा इशारा महाराष्ट्र नवनिर्माण सेनेचे नगरसेवक सचिन भोयर यांच्यासह मनवासे जिल्हाध्यक्ष भरत गुप्ता, राजू बघेल, शोभा वाघमारे, प्रतिमा ठाकूर,असलम शेख, जब्बार भाई, राकेश पराडकर, राकेश लांडे, भारत जोगीआदींनी दिला आहे.

Chandrapur (Marathi News)