Chandrapur News | Latest Chandrapur News in Marathi | Chandrapur Local News Updates | ताज्यबातम्या चंद्रपूर | चंद्रपूर समाचार | Chandrapur Newspaper

३७ विद्यार्थी दिल्लीत : संरक्षणमंत्र्यांकडून ‘लोकमत’चे कौतुकनवी मुंबई : विमान प्रत्यक्षात दिसते कसे, ते उडते कसे याचे बालमनाला कुतुहूल असते. त्यांची ही उत्कंठा शमवण्याचा अभिनव उपक्रम ‘लोकमत’ने राबविला. याअंतर्गत ३७ लहानग्यांना चक्क हवाई सफर घडवून आणली. मुंबई ते दिल्ली या एक दिवसाच्या सफरीचा लहान मुलांनी मनसोक्त आनंद लुटला.‘लोकमत’च्या वतीने घेण्यात आलेल्या ‘संस्कारांचे मोती’ (२०१४) या स्पर्धेत हवाई सफरीसाठी महाराष्ट्राच्या प्रत्येक जिल्ह्यातून एका विद्यार्थ्याची निवड करण्यात आली होती. त्यानुसार महाराष्ट्रातून ३५ तर गोवा येथून दोन अशा एकूण ३७ विद्यार्थ्यांना या सफरीचा आनंद लुटता आला. राज्याच्या कानाकोपऱ्यातून आलेल्या या छोट्या दोस्तांनी गुरुवारी पहाटे मुंबई विमानतळावरून विमानातून उड्डाण केले. त्या वेळी त्यांच्या चेहऱ्यावरचा आनंद ओसंडून वाहत होता. या मुलांनी पर्रीकर यांची भेट घेतल्यावर त्यांच्या मनातील संरक्षण दलाविषयीचे अनेक प्रश्न विचारले. त्याला पर्रीकर यांनी मनमोकळेपणाने उत्तरे दिली. थेट संरक्षणमंत्र्यांशी भेट झाल्यामुळे विद्यार्थ्यांसाठी हा दिवस अविस्मरणीय ठरला. दिल्ली भेटीत विद्यार्थ्यांनी कोटा भवन, रेल्वे म्युझियम, संसद भवन व इंडिया गेट या स्थळांना भेट दिली. कोटा भवन येथे विद्यार्थ्यांना एक शॉर्ट फिल्म दाखविण्यात आली. त्यानंतर नौदलाकडून या मुलांना आकर्षक भेटवस्तू देण्यात आल्या. परतीच्या प्रवासादरम्यान दिल्ली विमानतळावर विद्यार्थ्यांच्या हातातील हे गिफ्ट पॅक आकर्षणाचा विषय ठरले होते.या हवाई सफरीमध्ये महाराष्ट्रातून ‘लोकमत’चे साहाय्यक उपाध्यक्ष (वितरण) वसंत आवारे यांच्यासह शरद सुरवसे (मुंबई), संतोष कळसकर (यवतमाळ), संजय गाडेकर (पुणे), विश्वजीत पाटील (कोल्हापूर), सागर लाडे (गोवा) आणि प्रताप शिरसाठ (औरंगाबाद) यांचा सहभाग होता. त्याशिवाय नॅशनल एडिटर हरीश गुप्ता, शीलेश शर्मा, प्रमोद गवळी, प्रवीण भागवत व छायाचित्रकार सुभाष शर्मा यांनीसुद्धा या उपक्रमात सहभाग घेतला. (प्रतिनिधी)पंतप्रधान मोदींनी दिल्या होत्या शुभेच्छागतवर्षी जुलैमध्ये लोकमत ‘संस्कारांचे मोती’ या उपक्रमांतर्गत राज्यातील ३७ विद्यार्थ्यांनी पंतप्रधान नरेंद्र मोदी यांची दिल्ली येथे भेट घेतली होती. यात विदर्भातील ११ विद्यार्थ्यांचा समावेश होता. त्यावेळी नरेंद्र मोदी यांनी विद्यार्थ्यांशी संवाद साधत शिक्षणात उच्च शिखर गाठण्यासाठी शुभेच्छा दिल्या होत्या. मोदी यांनी लोकमतच्या ‘संस्कारांचे मोती’ या शिबिराचे कौतुकही केले होते.संरक्षणमंत्री मनोहर पर्रीकर यांच्याशी विद्यार्थ्यांचा दिलखुलास संवादराजधानी दिल्लीत या विद्यार्थ्यांनी संरक्षणमंत्री मनोहर पर्रीकर यांची भेट घेतली. संरक्षणमंत्र्यांनी प्रत्येक विद्यार्थ्याची आस्थेने चौकशी करीत त्यांच्याशी दिलखुलास संवाद साधला. त्यांनी विचारलेल्या प्रश्नांना उत्तरे दिली. इतकेच नव्हे, तर आपण कसे आणि कोणत्या परिस्थितीत शिक्षण घेतले, याची माहितीही या विद्यार्थ्यांना दिली.विद्यार्थ्यांच्या सामान्य ज्ञानात भर घालणारा हा उपक्रम कौतुकास्पद असल्याचे ते या वेळी म्हणाले. तसेच विद्यार्थ्यांना संरक्षण खात्यातील विविध शस्त्रास्त्रांची ओळख करून देण्याच्या दृष्टीने अशा उपक्रमासाठी १५ आॅगस्टच्या मुहूर्ताची निवड करावी, अशी सूचनाही त्यांनी या वेळी केली.

Chandrapur (Marathi News)

नागपुरात डाखळे यांची वर्णी : चलवदे पुण्याकडे रवाना ...

वाणिज्य १० बाय ३ ... ...

(((फोटो आहे..एन डोंगरे/ मिसींग बॉय))) ...

सुखाचा प्रवास म्हणजेच मध्य प्रदेशची यात्रा ...

हा माझ्यासाठी आत्ममंथनाचा वेळ ...

आएसएसएफ ज्युनिअर नेमबाजी ...