Chandrapur Marathi News | चंद्रपूर मराठी बातम्या | Latest Chandrapur News in Marathi | चंद्रपूर ताज्या बातम्या | Chandrapur Crime Marathi News | चंद्रपूर ब्रेकिंग न्यूज़| Breaking & Live Chandrapur News | Chandrapur Local News Update| Today's Chandrapur News paper

बांधकाम अंतिम टप्प्यात : गजानन महाराज संस्थानचा पुढाकारघनश्याम नवघडे नागभीडशेगाव येथील संत श्री गजानन महाराज संस्थानच्या पुढाकाराने भूवैकुंठ अड्याळ टेकडी कात टाकत आहे. या ठिकाणी अनेक बांधकाम सुरू असून या बांधकामांनी अड्याळ टेकडीचा चेहरामोहराच बदलून गेला आहे. अड्याळ टेकडीचे बदललेले हे रूप पर्यटकांच्या आंनदात भर पाडत आहे.राष्ट्रसंत तुकडोजी महाराज यांच्या प्रेरणेने गीताचार्य तुकारामदादा यांनी आपल्या साधनेसाठी अड्याळ टेकडीची निवड केली. या अड्याळ टेकडीवर त्यांनी अखंड १२ वर्ष मौन धारण करून साधना केली. त्यानंतर ते लोकसेवेसाठी बाहेर पडले. संबंध महाराष्ट्रात व देशात त्यांचे समाजसेवेचे कार्य सुरू असताना अड्याळ टेकडीवरही त्यांनी विशेष लक्ष पुरविले. अड्याळ टेकडीवर त्यांनी स्वत:च्या कल्पनेतील सार्वभौम असे एक खेडे तर निर्माण केलेच पण त्याचबरोबर अड्याळ टेकडीच्या पंचक्रोशीत असलेल्या खेड्यांना स्वावलंबनाची दिक्षा देण्याचे कार्यही अविरत केले. अशा या महान आणि आदर्श अशा समाजसेवकांनी ८ जून २००६ रोजी आपले इहलोकीचे कार्य कायमचे संपविले.त्यांच्या अंत्यदर्शनासाठी संबंध महाराष्ट्रातील सर्वच क्षेत्रातील मान्यवरांनी हजेरी लावली होती. अशाच मान्यवरांपैकी शेगावच्या गजानन महाराज ट्रस्टचे अध्यक्ष शिवशंकर पाटील यावेळी उपस्थित होते. यावेळी झालेल्या सभेत शिवशंकर पाटील यांनी गीताचार्य तुकाराम दादा आणि आपले काय नाते होते, हे सांगून ज्या ठिकाणी दादांना चिरशांती देण्यात आली, त्या ठिकाणी दादांच्या समाधी स्थळासाठी शेगाव संस्थान दोन कोटी रुपये खर्च करणार असल्याची ग्वाही दिली.शिवशंकर पाटील यांच्या ग्वाहीनुसार दादांच्या समाधीस्थळांचे बांधकाम काही दिवसाअगोदर हाती घेण्यात आले. हे बांधकाम आता अंतिम टप्प्यात आले आहे. समाधीस्थळांचे संपूर्ण बांधकाम राजस्थानी पद्धतीचे असून बांधकामासाठी लागणारा दगड आणि कारागिरसुद्धा राजस्थानातूनच मागविण्यात आले आहेत. समाधीस्थळाच्या पूर्वेला विशाल असे जलाशय, लता वेली आणि विविध जातीच्या वृक्षांनी बहरलेली अड्याळ टेकडी आणि त्या टेकडीवर हे विलोभनीय बांधकाम. त्यामुळे अड्याळ टेकडीचे सौंदर्य आणखीच खुलून दिसत आहे. गीताचार्य तुकारामदादा ज्या ठिकाणी बसून गुरुदेव भक्तांना मार्गदर्शन करीत त्या ठिकाणी भव्य असे सभागृह बांधण्यात आले आहे. आणखी छोटी-मोठी अनेक कामे करण्यात आली आहे. या कामांनी अड्याळ टेकडीचा चेहरा मोेहराच बदलून गेला आहे. ज्यांनी अड्याळ टेकडीला दोन वर्षाअगोदर भेट दिली होती, त्यांनी जर आज भेट दिली तर ही नवलाई डोळ्यात भरल्याखेरीज राहणार नाही.

Chandrapur (Marathi News)

जयभीम हा फक्त शब्द नव्हे तर आपल्या अंतर्मनाला आत्मविश्वास देणारी शक्ती आहे. ...

कोळसा खाणी आणि उद्योगांची भरमार असलेल्या तसेच महाऔष्णिक वीज केंद्रामुळे देशाच्या पटलावर असलेल्या... ...

चंद्रपूर जिल्ह्यात शेतकरी आत्महत्येचा आकडा दिवसेंदिवस वाढत आहे. ...

गेल्या तीन वर्षांपासून मराठवाड्यात दुष्काळाचे सावट आहे. यावर्षी त्याची दाहकता अधिकच वाढली आहे. ...

डॉ. बाबासाहेब आंबेडकर उत्सव समिती भद्रावतीतर्फे गुरुवारी विंजासन बुध्दलेणी ते ... ...

शेगाव येथील संत श्री गजानन महाराज संस्थानच्या पुढाकाराने भूवैकुंठ अड्याळ टेकडी कात टाकत आहे. ...