श्री व पट्टा पद्धतीने गोंडपिपरीत धान लागवड

यावर्षी कृषी विभागाने श्री व पट्टा पद्धतीने तालुक्यात एक हजार हेक्टर क्षेत्रावर धान लावण्याचे लक्ष्य ठेवले आहे. श्री आणि पट्टा पद्धतीने आतापर्यंत पन्नास टक्के क्षेत्रात रोवणी झाल्याचे कृषी विभागाकडून सांगण्यात येत आहे. पारंपरिक पद्धतीने धान लागवडीच्या ठिकाणी श्री आणि पट्टा पद्धतीने लागवड केल्यास सुमारे दोन ते अडीच पट अधिक उत्पन्न मिळेल. शेतकऱ्यांना श्री व पट्ट्याच्या पद्धतीने शेतीसाठी सतत प्रेरित केले जात आहे. या पद्धतीने लागवडीसाठी वटराणा, धामणपेठ, गणेशपिपरी आणि तहसीलच्या बऱ्याच भागातील शेतकरी अधिक आवड दर्शवित आहेत.

कोट

श्री आणि पट्टा पद्धतीने भात लागवडीमध्ये जास्त फायदा होतो. या पद्धतीच्या लागवडीमध्ये पिकामध्ये आजार होण्याची शक्यताही कमी आहे. याव्यतिरिक्त पारंपरिक शेतीच्या तुलनेत पाण्याची आवश्यकतादेखील कमी आहे. खते व रसायने, कीटकनाशकांचा कमी वापर होतो. कृषी विभागाच्या वतीने श्री, पट्टा पद्धतीने शेतकऱ्यांना शेतीसाठी तयार केले जात आहे.

– मंगेश पवार, तालुका कृषी अधिकारी, गोंडपिपरी