मनपा अधिकारी,कर्मचाऱ्यांची सायकलने एन्ट्री

सायकलचा फोटो टाकणे

चंद्रपूर : चंद्रपूर शहर महानगरपालिका कार्यालयातील अधिकारी व कर्मचारी दर शुक्रवारी सायकलवरून कार्यालयात येणार आहेत. या नवीन उपक्रमाला पुढील शुक्रवारपासून सुरुवात होणार असून ११ डिसेंबर रोजी मनपा कार्यालयात झालेल्या बैठकीत हा निर्णय घेण्यात आला आहे.

माझी वसुंधरा अभियान २ आॅक्टोबर २०२० ते ३१ मार्च २०२१ या कालावधीत राज्य शासनाने स्थानिक स्वराज्य संस्थाच्या माध्यमातून लागू केले असून प्रत्येकाच्या जीवनाशी निगडीत, निर्सगाशी संबंधित पृथ्वी, वायू, जल, अग्नी आणि आकाश या पंचतत्वावर आधारित शाश्वत निसर्गपूरक जीवनपध्दती अवलंबिण्याकरिता हे अभियान सुरु केले आहे. या अभियान कालावधीत पंचतत्वाला व मानवी जीवनाला सहकार्य होण्याच्या हेतुने दर शुक्रवारी प्रत्येक अधिकारी व कर्मचारी यांनी सायकलने (यंत्र विरहित) कार्यालयात यावे, असा निर्णय चंद्रपूर महानगरपालिका आयुक्त राजेश मोहिते यांनी घेतला आहे.

बॉक्स

वाहन घेऊन आल्यास ‘नो एन्ट्री’

निसर्गपूरक जीवनपध्दती अवलंबिण्याकरिता हे अभियान सुरु केले आहे. त्यामुळे प्रत्येक शुक्रवारला कोणत्याही अधिकारी व कर्मचारी यांनी कोणतेही वाहन आणू नये, अशी तंबी मनपा आयुक्त राजेश मोहिते यांनी सर्व अधिकारी, कर्मचाºयांना दिली आहे. वाहन आणल्यास त्यांना मनपा आवारात प्रवेश दिल्या जाणार नाही, असेही त्यांनी स्पष्ट केले आहे.

बॉक्स

प्रत्येकाने पाच लोकांना महत्त्व पटवून द्यावे

सदर बाब वैयक्तिक आरोग्य व पर्यावरणाच्या दृष्टीने आवश्यक असून प्रत्येकाने या अभियानात सक्रिय सहभाग घेण्याचे व आपल्या अधिनस्त अधिकारी व कर्मचाºयांसह आपल्या सभोवतालच्या संबंधित किमान पाच लोकांना महत्त्व पटवून या अभियानाची व्याप्ती वाढविण्यास सहकार्य करण्याचे धोरण निश्चित करण्यात आले आहे. त्यामुळे कर्मचाºयांनी त्या अनुषंगाने कार्य करावे, असेही आयुक्तांनी सांगितले आहे.

कोट

निसर्गपूरक जीवनपध्दती अवलंबिण्याकरिता हे अभियान सुरु केले आहे. दर शुक्रवारी अधिकारी आणि कर्मचाºयांना सायकलने कार्यालयात येण्यास सांगितले आहे. मी स्वत:देखील शुक्रवारी सायकलनेच कार्यालयात येणार आहे.

-राजेश मोहिते, आयुक्त,

चंद्रपूर महानगरपालिका.