कन्यादानासाठी सरसावल्या इनरव्हिल क्लबच्या सदस्य

चंद्रपूर : येथील एका गरीब कुटुंबातील मुलीला इनरव्हिल क्लब ऑफ स्मार्ट सिटीच्या सदस्यांनी लग्नासाठी मदतीचा हात पुढे करीत तिला विविध वस्तू भेट देवून आशिर्वाद दिला.

चंद्रपूर येथील एका गरीब कुटुंबातील मुलीचे लग्न जुळले. मात्र आर्थिक परिस्थिती बेताची असल्याने त्याच्यापुढे अडचण निर्माण झाली. इनरव्हिल क्लब ऑफ स्मार्ट सिटीच्या सदस्यांना याची माहिती मिळताच त्यांनी १५ साडी, दोन गोल्ड प्लेटेड सेट, चांदीचे चाळ, शाल, स्वेट, बेडशिट, लग्नाचे साहित्य, मुलासाठी पॅट-शर्ट, भांडे, अंगठी तसेच मुलीच्या ओठीमध्ये ड्रायफुट, मिठाई, फळे व पाच हजार रुपये दिले. क्लबच्या सदस्यामुळे त्या मुलीचा विवाह सोहळा थाटात पार पडला. यावेळी इनरव्हिल क्लबच ऑफ स्मार्ट सिटीच्या डिस्ट्रिक ऑडिटर रमा गर्ग, अध्यक्ष कल्पना गुप्ता, उपाध्यक्ष राधा अग्रवाल, सचिव शकुतला गोयल, सी. सी. उमा जैन, पुनक कपूर, मीरा अग्रवाल, पारुल अग्रवाला आदी उपस्थित होते.