अपघात जनजागृतीसाठी इनरव्हिल क्लबचा पुढाकार

चंद्रपूर : वाढत्या अपघाताला आळा घालण्याच्या उद्देशाने इनरव्हिल क्लबने पुढाकार घेतला आहे. रात्री वाहन दिसावे, यासाठी वाहनाला रेडियम पट्ट्या लावण्यात येत आहेत. वाहतूक पोलिसांच्या मदतीने सुमारे २५० वाहनांला रेडियम पट्ट्या लावण्यात आल्या. रात्री वाहने दिसूनन येत नाही. परिणामी रात्री अपघात घडण्याची शक्यता अधिक असते. वाहनाला रेडियम पट्टी असल्यास ती चमकत असल्याने वाहन असल्याचे समजते. त्यामुळे इनरव्हिल क्लबने पोलिसांच्या मदतीने वाहनाला रेडियम लावण्याची मोहीम हाती घेतली आहे. मागील आठवडाभरात शहरातील रामनगर, बंगाली कॅम्प, पडोली चौक तसेच शहरातील इतर ठिकाणी वाहनांना रेडियम पट्ट्या लावल्या. क्लबच्या या उपक्रमाचे पोलीस विभागांनी कौतुक केले. यावेळी क्लबच्या अध्यक्ष कल्पना गुप्ता, पीडीसी विद्या बांगडे, डिस्ट्रिक्ट ॲडिटर रमा गर्ग, सचिव शकुतला गोयल आदींची उपस्थिती होती.