कोरपना येथे मुख्याध्यापकांची कार्यशाळा

मॅजिक बस इंडिया फाऊंडेशन चंद्रपूर जिल्ह्यातील निवडक तालुक्यात अविरतपणे काम करीत आहे, मॅजिक बसच्या माध्यमातून १२ ते १६ वयोगटातील विद्यार्थ्यांसाठी खेळाच्या माध्यमातून, शिक्षण, जीवन कौशल्य, विकास कार्यक्रम, स्केल कार्यक्रमांतर्गत कोरपना तालुक्यातील ५८०० विद्यार्थ्यांसोबत खेळातून विकास शिक्षण, जीवन कौशल्य हा कार्यक्रम राबवित आहे.

त्याच अनुषंगाने गट संसाधन केंद्र कोरपना व मॅजिक बस इंडिया फाऊंडेशनच्यावतीने पंचायत समितीच्या सभागृहात मुख्याध्यापकांची कार्यशाळा घेण्यात आली.

या कार्यशाळेला कोरपना तालुक्यातील एकूण ७७ शाळेतील मुख्याध्यापक तथा सहायक शिक्षकांनी सक्रिय सहभाग घेतला.

मॅजिक बस इंडिया फाऊंडेशनच्यावतीने कोरपना तालुक्यातील ८२ शाळेत खेळातून विकास शिक्षण, जीवन कौशल्य हा उपक्रम राबविला जात आहे. या कार्यक्रमाला अध्यक्ष म्हणून केंद्र विस्तार अधिकारी बावणे तर प्रमुख पाहुणे तथा मार्गदर्शक म्हणून जिल्हा कार्यक्रम अधिकारी प्रशांत लोखंडे, केंद्र प्रमुख जुनघरे, तोडे उपस्थित होते. या कार्यशाळेला तालुक्यातील ७७ शाळेतील मुख्याध्यापक उपस्थित होते. हा कार्यक्रम गट विकास अधिकारी पाटील तसेच गटशिक्षणाधिकारी आनंद धुर्वे यांच्या निदेशात व मॅजिक बसचे जिल्हा कार्यक्रम अधिकारी प्रशांत लोखंडे यांच्या मार्गदर्शनाखाली पार पडला. संचालन भांडारवार यांनी केले. प्रास्ताविक मॅजिक बसचे वानखडे यांनी केले तर आभार प्रदर्शन मुकेश भोयर यांनी केले.