निवडणुकीवर डोळा ठेवून नगरसेवक झाले ॲक्टिव्ह

जिल्ह्यात एकमेव असलेल्या चंद्रपूर महापालिकेची पुढील वर्षी सार्वत्रिक निवडणूक होणार आहे. सद्यस्थितीत भारतीय जनता पार्टीचे येथे वर्चस्व असून महापौर, उपमहापौर भाजपाचे आहे. ६६ नगरसेवक असलेल्या या पालिकेत १७ प्रभाग आहे. मात्र सत्ताधारी पक्ष आपल्याच नगरसेवकांकडे अधिक लक्ष देत असल्याचा आरोप विरोधी पक्षांनी सातत्याने सुरुच ठेवला आहे. दरम्यान, कोरोनामुळे विकास कामावर संकट आले आहे. त्यामुळे शेवटच्या वर्षी काम करून नागरिकांना खुश करण्याच्या मनस्थितीत असलेल्या नगरसेवकांची चांगलीच गोची झाली आहे. त्यामुळे कुठूनही काहीही मिळो, वार्डात काम दाखविण्यासाठी सद्यस्थितीत नगरसेवकांनी महापालिकेत चकरा मारणे सुरु केले आहे.

बाॅक्स

विकेट जाण्याची भीती

मागील चार वर्षांमध्ये प्रभागामध्ये काम न करता केवळ मनपामध्ये सभेला जाणाऱ्या नगरसेवकांची संख्या मोठी आहे. त्यामुळे आता या नगरसेवकांना विकेट जाण्याची भीती आहे. त्यामुळे शिल्लक असलेल्या वर्षात तरी नागरिकांसाठी काही करावे, या विचाराने आता त्यांच्याही चकरा वाढल्या आहे.

बाॅक्स

सामान्य नागरिकांमध्ये नाराजी

मागील चार वर्षांमध्ये शहरात काही विकास कामे झाली असली तरी अद्यापही नागरिकांच्या जिव्हाळ्याचे विषय सोडविण्यासाठी प्रयत्न झाले नाही. त्यामुळे संबंधित नगरसेवकांवर नागरिकांची नाराजी आहे. बोटावर मोजण्याइतक्याच नगरसेवकांच्या वार्डामध्ये मोठ्या प्रमाणात कामे झाली आहे. मात्र इतरांच्या वार्डातील नागरिकांमध्ये सद्यातरी नाराजीचाच सूर आहे.

बाॅक्स

स्वेच्छा निधी केवळ ३ लाख

महापालिकेमध्ये नगरसेवकाला स्वेच्छा निधी खर्च करण्यासाठी मिळतो. मागील काही वर्षांपासून ३ लाख रुपये प्रत्येक वर्षासाठी दिले जात होते. दरम्यान, दोन वर्षापूर्वी महापालिकेने ठराव ठेवून हा निधी १२ लाख रुपये करण्याचा निर्णय घेतला. मात्र कोरोनाचे संकट आले आणि निधीमध्ये काटकसर करण्यात आली. परिणामी नगरसेवकांना ३ लाखांमध्येच वार्डात काम करावे लागत आहे.

बाॅक्स

१७ प्रभागात ६६ नगरसेवक

शहरात १७ प्रभाग आहे. यामध्ये दोन प्रभाग सोडले तर प्रत्येकी ४-४ नगरसेवक निवडून आले आहे. दरम्यान, हिंदुस्थान लालपेठ आणि आंबेडकर नगर या दोन प्रभागामध्ये प्रत्येकी ३-३ नगरसेवक निवडून आले आहे.