जड वाहतुकीवर बंदी घालण्याची मागणी

मार्ग दुपदरी केव्हा होणार?

भद्रावती : तालुक्यातील गवराळा ते घुग्घुसमार्गे पिंपरी देशमुख हा मार्ग दुपदरीकरण करण्यात यावा, अशी मागणी परिसरातील नागरिकांकडून होत आहे. या मार्गावर अत्यंत वर्दळ असल्याने अडचणीचे होते.

पुलाला कठडेच नाहीत, धोक्याची शक्यता

कोरपना : कोरपना-गोविंदपूर-आदिलाबाद हा राष्ट्रीय महामार्ग असल्याने जड वाहनांची वर्दळ सुरू असते. याच मार्गावर धामणगाव येथे पूल बांधण्यात आला. परंतु, पुलाला कठडे नसल्याने अपघाताचा धोका आहे. यापूर्वी येथे अपघात घडलेही आहेत. याकडे लक्ष देण्याची मागणी होत आहे.

जुन्या वाहनांची कोण करणार तपासणी ?

ब्रम्हपुरी : शहरात कोळसा खाणी, तसेच वाहनांमुळे मोठ्या प्रमाणात प्रदूषण वाढत आहे. त्यामुळे याला आळा घालणे गरजेचे आहे. विशेष म्हणजे, जुन्या वाहनांद्वारे मोठ्या प्रमाणात धूर वाढत असल्याने प्रदूषण वाढले आहे.‘‘‘

‘बार्टी’चे मोफत प्रशिक्षण राबवावे

चंद्रपूर : कोरोनामुळे शिकवणी वर्ग बंद असल्याने मागीलवर्षी ‘बार्टी’तर्फे मोफत स्पर्धा परीक्षेचे शिकवणी वर्ग घेण्यात आले होते. कोरोनाने अद्यापही शिकवणी वर्ग घेण्यास मुभा नसल्याने यंदाही बार्टीतर्फे मोफत प्रशिक्षण राबविण्याची मागणी होत आहे.

तारसा येथील नाल्या तुडुंब

वढोली : गोंडपिपरी तालुक्यातील तारसा बुज येथील वॉर्ड नं. २ सह इतर वाॅर्डांमधील सांडपाणी वाहून नेणाऱ्या नाल्या उपसा न केल्याने तुडुंब भरलेल्या आहेत.

संगमेश्वर देवस्थानला तीर्थक्षेत्राचा दर्जा द्या

कोरपना : चंद्रपूर - यवतमाळ जिल्ह्यांच्या सीमेवरील, पैनगंगा व विदर्भ नदीच्या संगमस्थळावर असलेल्या संगमेश्वर देवस्थानाला तीर्थक्षेत्राचा दर्जा द्यावा, अशी मागणी भाविकांकडून केली जात आहे. या संगम स्थळावरील मंदिर प्राचीन असून, धार्मिकदृष्ट्या महत्त्वाचे आहे.