‘बसपा’तर्फे शिवजयंतीनिमित्त विविध क्षेत्रांतील मान्यवरांचा सत्कार

अध्यक्षस्थानी बामसेफचे मीडिया प्रभारी प्रा.भारत मेश्राम होते. प्रमुख मार्गदर्शक प्रा. डाॅ. राजेश डहारे, ॲड. प्रतिभा मोहुर्ले, ‘बसपा’चे नंदू खोब्रागडे व शीतल शेंडे मंचावर उपस्थित होते. या अभिवादन व गुणगौरव कार्यक्रमाचे उद्घाटन प्रमुख अतिथींच्या हस्ते शिवाजी महाराज यांच्या प्रतिमेस दीपप्रज्वलन व मालार्पणाने करण्यात आले. यावेळी पीएच.डी.प्राप्त जिल्हा परिषद हायस्कूल, गुंजेवाहीचे अध्यापक डाॅ. प्रेमकुमार खोब्रागडे, राज्यस्तरीय साहित्यिक व कवयित्री पुरस्कार विजेती भावना खोब्रागडे - अलोने सिंदेवाही, डोंगरगाव (सा.)च्या बसपाच्या नवनिर्वाचित उपसरपंच शिल्पा सचिन बनसोड, राष्ट्रीय स्तरावरील क्रीडा स्पर्धेसाठी निवड झालेली सर्वोदय काॅलेजची विद्यार्थिनी करिना अनिल साखरे व जिल्हास्तरीय कराटे स्पर्धा विजेती सर्वोदय कन्याशाळेची विद्यार्थिनी अर्पिता दुर्गादास रामटेके यांचा सत्कार करण्यात आला. प्रा. भारत मेश्राम यांनी संचालन केले, तर शीतल शेंडे यांनी आभार मानले.