पेट्रोल-डिझेल महागाईच्या विरोधात संताप

शिवसेनेचे जिल्हाभरात आंदोलन : कृषी कायद्यांचाही निषेध

चंद्रपूर : केंद्र सरकारकडून पेट्रोल-डिझेलची सतत्याने दरवाढ होत आहे. त्यामुळे शिवसेनेने जिल्हाभरात आंदोलन केले. चंद्रपूर येथील गांधी चौकात शिवसेना जिल्हाप्रमुख संदीप गिऱ्हे यांच्या नेतृत्वात आंदोलन करण्यात आले. यावेळी रावसाहेब दानणे यांनी दिल्ली येथे सुरु असलेल्या शेतकऱ्यांच्या आंदोलनाबाबत केलेल्या वक्त्व्याचा निषेध म्हणून त्यांचा पुतळा तुडविण्यात आला.

पेट्रोल डिजेलच्या दरात सातत्याने दरवाढ होत आहे. त्यामुळे सर्वसामान्यांना मोठा फटका बसत आहे. त्यामुळे या वाढीविरोधात शिवसेनेतर्फे संताप व्यक्त करण्यात आला. तसेच केंद्रसरकारने बहुमताच्या जोरावर कृषी कायदा समंत केला. त्याविरोधात दिल्ली येथे शेतकऱ्यांचे आंदोलन सुरु आहे. मात्र हे आंदोलन पाकिस्तान तसेच चिनचे षडयंत्र असल्याची टिका भाजपा नेते रावसाहेब दानवे यांनी केली. त्या वक्तव्याच्याही निषेध करुन त्याचा पुतळा तुडवून त्यांना मंत्रीपदावरुन निष्कासित करावे, अशी मागणी शिवसेनेचे जिल्हाध्यक्ष संदीप गिऱ्हे यांनी केली. यावेळी बल्लारपुर विधानसभा उपजिल्हा प्रमुख सिक्की यादव, जि. प. माजी उपाध्यक्ष संदीप करपे, चंद्रपूर शहर प्रमुख प्रमोद पाटील, युवासेना जिल्हा प्रमुख निलेश बेलखेडे, महिला आघाडीचे माजी जिल्हा प्रमुख कुसुम उदार, वर्षा कोठेकर, विद्या ठाकरे, युवा सेना उपजिल्हाप्रमुख आशिष कावटवार, मूल तालुका प्रमूख नितीन येरोजवार, चंद्रपूर तालुका प्रमुख संतोष नरुले, बल्लारपुर तालुका प्रमुख प्रकाश पाठक, राजुरा शिवसेना बबन उरकुडे, राहुल विरुटकर, सुरज नाय्यर, स्वप्निल काशीकर, अशोक चिलखरे, श्रीकांत करटभाजने, सोनू ठाकुर, अर्जुन धुन्ना, अक्षय अभिरवार, हर्षल कान्नपेल्लीवार यांच्यासह शिवसेना व युवासेनेचे पदाधिकारी व सदस्य उपस्थिती होते.

बॉक्स

भद्रावतीत शिवसेनेतर्फे आंदोलन

भद्रावती : पेट्रोल डिझेलच्या दरवाढीविरोधात भद्रावती येथील वंदनीय बाळासाहेब ठाकरे प्रवेशद्वार येथे आंदोलन करण्यात आले. यावेळी शिवसेना जिल्हा प्रमुख नितीन मत्ते, उपजिल्हा प्रमुख रमेश मेश्राम, तालुका प्रमुख मुकेश जीवतोडे, शहर प्रमुख संदीप मेश्राम, शहर प्रमुख नरेंद्र पठाण, तालुका संघटक नरेश काळे, माजी नगराध्यक्ष ज्ञानेश्वर डुकरे, युवा सेना जिल्हा प्रमुख हर्षल शिंदे, पप्पू सारवान, राजू सारंगधर, महिला शहर प्रमुख माया नारळे, संगीता डाहुले,अल्का वाटेकर, आगलावे आदी शिवसैनिक उपस्थित होते.

बॉक्स

सिंदेवाही शिवसेनेचा निषेध

सिंदेवाही : राष्ट्रीय महामार्गावरील शिवाजी चौक बसस्थानक परिसरात शिवसेनेच्या वतीने पेट्रोल-डिझेल दरवाढीचा तसेच दिल्ली येथील शेतकऱ्यांचा आंदोलनाबाबत केलेल्या वक्तव्याचा निषेध करण्यात आला. यावेळी शिवसेना तालुका प्रमुख सचिन चिंतलवार, देवा मंडलवार, विशाल लोखंडे, पंकज नन्नेवार, सगळाम यांच्यासह अनेक शिवसैनिक उपस्थित होते.