भारतीय क्रिकेट संघाचा अनुभवी वेगवान गोलंदाज मोहम्मद शमी सध्या टीम इंडियातून बाहेर असला तरी, तो मैदानावर परतला आहे आणि सातत्याने उत्कृष्ट कामगिरी करत आहे. बंगालकडून रणजी ट्रॉफीमध्ये खेळणाऱ्या शमीचा सध्याचा फॉर्म पाहून तो कोणत्याही आंतरराष्ट्रीय संघात खेळण्यास सज्ज असल्याचे स्पष्ट होत आहे. त्याच्या या प्रभावी कामगिरीमुळे, निवडकर्त्यांना अखेर शमी पूर्णपणे तंदुरुस्त आहे की नाही याचे ठोस उत्तर मिळाले आहे.
मोहम्मद शमीने रणजी ट्रॉफीमध्ये आपल्या गोलंदाजीने सर्वांचे लक्ष वेधले आहे. टीम इंडियात स्थान न मिळाल्यानंतर, शमीने रणजी ट्रॉफीमध्ये बंगालकडून खेळण्यास सुरुवात केली आणि त्याने आपल्या कामगिरीने खळबळ उडवून दिली. रणजी ट्रॉफीचा दर्जा विचारात घेतला तरी, शमीच्या चार डावातील १५ बळींची कामगिरी कोणत्याही स्तरावर हलक्यात घेता येणार नाही. यावरून तो पूर्णपणे तंदुरुस्त असल्याचे सिद्ध होते.
रणजी ट्रॉफी २०२५: मोहम्मद शामीची कामगिरी
| सामना | पहिला डाव | दुसरा डाव | एकूण विकेट्स |
| पहिला | ३७ धावांत ३ विकेट्स | ३८ धावांत ४ विकेट्स | ७ विकेट्स |
| दुसरा | ३ विकेट्स | ५ विकेट्स | ८ विकेट्स |
| एकूण | दोन सामने | चार डाव | १५ विकेट्स |
वेस्ट इंडिजविरुद्धच्या मालिकेतून वगळले
मोहम्मद शमी बऱ्याच काळापासून सातत्याने तंदुरुस्त असल्याचे दिसत असले तरी, त्याला टीम इंडियामध्ये स्थान मिळू शकले नाही. अलीकडेच, जेव्हा भारत आणि वेस्ट इंडिजमध्ये दोन कसोटी सामन्यांची मालिका खेळली गेली, तेव्हा शमी खेळेल अशी अपेक्षा होती. परंतु, त्याची संघात निवड झाली नाही. मात्र, यानंतर, त्याने रणजी ट्रॉफीकडे लक्ष वळवले आणि तिथे आपला फॉर्म सिद्ध केला.
दक्षिण आफ्रिकाविरुद्धच्या मालिकेत पुनरागमनाची शक्यता
शमी टीम इंडियात कधी परतेल हे निश्चित नसले तरी, पुढील महिन्यात होणाऱ्या भारत आणि दक्षिण आफ्रिका यांच्यातील कसोटी मालिकेत त्याला संधी मिळण्याची दाट शक्यता आहे. भारत आणि दक्षिण आफ्रिका यांच्यातील पहिला कसोटी सामना १४ नोव्हेंबरपासून सुरू होत आहे आणि बीसीसीआय लवकरच या मालिकेसाठी संघ जाहीर करणार आहे. शमीच्या भेदक कामगिरीवरून निवडकर्ते निश्चितच त्याचा विचार करतील, असे तज्ज्ञांचे मत आहे.
Web Summary : Mohammed Shami shines in Ranji Trophy, bagging 15 wickets in two matches. His stellar performance for Bengal strengthens his claim for a Team India recall, especially with the South Africa series looming. Selectors are now convinced of his fitness.
Web Summary : मोहम्मद शमी ने रणजी ट्रॉफी में शानदार प्रदर्शन किया, दो मैचों में 15 विकेट लिए। बंगाल के लिए उनका यह प्रदर्शन टीम इंडिया में वापसी के लिए मजबूत दावा पेश करता है, खासकर दक्षिण अफ्रीका श्रृंखला के साथ। चयनकर्ता अब उनकी फिटनेस के बारे में आश्वस्त हैं।