सभापतीपदी विलासराव पाटील पुन्हा रूजू

कृषी व पणन मंत्री ना.राधाकृष्ण विखे पाटील यांचेकडे सभापती विलासराव पाटील यांनी पुर्ननिरीक्षण अर्ज दाखल केला होता.

नांदुरा : स्थानिक कृषी उत्पन्न बाजार समितीच्या कालावधी समाप्तीनंतर जिल्हा उपनिबंधकांनी आपल्या आदेशानुसार प्रशासक नियुक्त केला होता. त्यावर कृषी व पणन मंत्री ना.राधाकृष्ण विखे पाटील यांचेकडे सभापती विलासराव पाटील यांनी पुर्ननिरीक्षण अर्ज दाखल केला होता. त्यास सकारात्मक प्रतिसाद देत कृषी व पणन मंत्री यांच्या एका आदेशानुसार प्रशासक पदास अंतरीम स्थगिती देण्यात आली आहे. सदर आदेशामुळे अस्तित्वात असलेल्या संचालक मंडळ व सभापती हे पुन्हा अधिकारात आले. १३ जून रोजी विलासराव पाटील व त्यांच्या समवेत संचालक मंडळाने मध्यान्हानंतर पदभार पुन्हा ग्रहण केला.