ठळक मुद्देगुरूवारी पहाटे ४ वाजता दरम्यान ही घटना घडली. उमेश सिरसाट यांना रेती वाहतूक करणाºया टिप्परने जबर धडक दिली.उमेश सिरसाट हे बुलडाणा नजीकच्या भादोला येथील रहिवासी.
जलंब: अवैध रेती वाहतूक करणाºया टिप्परने जलंब पोलिस स्टेशनमध्ये कार्यरत एका पोलिस शिपायास उडविले. गुरूवारी पहाटे ४ वाजता दरम्यान ही घटना घडली. या घटनेत पोलिस शिपाई जागीच ठार झाल्याने एकच खळबळ उडाली आहे.जलंब पोलिस स्टेशनमध्ये कार्यरत असलेल्या उमेश सिरसाट यांना रेती वाहतूक करणाºया टिप्परने जबर धडक दिली. माटरगाव-जलंब येथील पुर्णा नदीच्या पात्रातून मोठ्याप्रमाणात अवैध रेतीचा उपसा करण्यात येतो. गुरूवारी पहाटे रेतीचे टिप्पर जात असताना हा अपघात घडला. या घटनेची माहिती मिळताच पोलिस अधिकारी घटनास्थळी दाखल झाले आहेत. अपघातात ठार झालेले पोलिस उमेश सिरसाट हे बुलडाणा नजीकच्या भादोला येथील रहिवासी असल्याचे समजते.