भरधाव ट्रकची दुचाकीला धडक, वडिलांसह मुलीचा मृत्यू

देऊळगाव राजा : भरधाव ट्रकने दुचाकीस जबर धडक दिल्याने वडिलांसह मुलीचा मृत्यू झाला़ ही घटना २५ सप्टेंबर राेजी देऊळगाव राजा शहराजवळील कुंभारी बायपास वळण रस्त्यावर घडली़ रामप्रसाद एकनाथ चेके व वैशाली गणेश मस्के अशी मृतांची नावे आहेत़

नारायणखेड येथील रामप्रसाद एकनाथ चेके व त्यांची विवाहित मुलगी वैशाली गणेश म्हस्के हे रुग्णालयात उपचार घेतल्यानंतर दुचाकी क्रमांक एमएच २८ एएम ३१५३ ने गावाकडे जात हाेते़ दरम्यान, शहरातील बायपास वळण रस्ता कुंभारी जवळ त्यांच्या दुचाकीला ट्रक क्र.आरएल १४ जीएल १८७२ ने जबर धडक दिली़ यामध्ये वैशाली मस्के हिचा जागेवर मृत्यू झाला तर रामप्रसाद चेके हे गंभीर जखमी झाले हाेते़ त्यांना तातडीने उपचारासाठी ग्रामीण रुग्णालयात हलविण्यात आले़ प्रकृती गंभीर असल्याने तेथून त्यांना जालना येथे खासगी रुग्णालयात उपचारासाठी हलविण्यात आले़ परंतु त्यांचा उपचारादरम्यान मृत्यू झाला़ या प्रकरणी संतोष तुकाराम बनकर यांनी दिलेल्या फिर्यादीवरून देऊळगावराजा पाेलिसांनी ट्रकचालकाविरुद्ध गुन्हा दाखल केला आहे़ पाेलिसांनी आराेपी चालकास ताब्यात घेतले आहे.

रुग्णवाहिका बनली शाेभेची वस्तू

अपघातानंतर उपस्थित ग्रामस्थांनी चेके यांना तातडीने ग्रामीण रुग्णालयात हलवले़ प्रकृती गंभीर असल्याने डाॅक्टरांनी त्यांना जालना येथे नेण्याचा सल्ला दिला़ त्यांना जालना येथे नेण्यासाठी कार्डियाक रुग्णवाहिका उपलब्ध झाली नाही़ त्यामुळे ही रुग्णवाहिका केवळ शाेभेची वस्तू असल्याचा आराेप नागरिकांनी केला़