मध्य प्रदेशातील दारूची शेगावात विक्री

मध्य प्रदेशातील दारू महाराष्ट्रात विकण्यावर बंदी

फहीम देशमुख
शेगाव: राज्य आणि राष्ट्रीय महामार्गावरील ५00 मीटरच्या आत मद्य विक्रीवर सर्वोच्च न्यायालयाने बंदी घातली आहे. या पार्श्‍वभूमीवर परिसरात मोठय़ा प्रमाणात अवैध दारूची विक्री वाढली असतानाच, मध्य प्रदेशातील प्रतिबंधित दारू चोरट्या मार्गाने शेगाव आणि परिसरात विक्रीसाठी आणली जात असल्याचे धक्कादायक वास्तव समोर आले आहे. बुधवारी शेगावात मध्य प्रदेशातील प्रतिबंधित दारूची एक मोठी खेप उतरल्याची माहिती प्राप्त झाली आहे. ट्रकभर उतरलेला साठा पाहता दारूबंदी विभाग झोपेत असल्याचे दिसून येत आहे.
शरीराला अपायकारक असल्यामुळे मध्य प्रदेशातील दारू महाराष्ट्रात विकण्यावर बंदी आहे. तरीसुद्धा दारूच्या धंद्यात गुंतलेले काही जण मध्य प्रदेशातील ही प्रतिबंधित दारू विदर्भात आणतात. वेगवेगळ्या ह्यब्रॅण्डेडह्ण मद्याच्या रिकाम्या बाटल्यात विशिष्ट ह्यमिश्रणह्ण करून ही दारू भरली जाते. ती काही मद्यविक्रेत्यांना हाताशी धरून ही मंडळी मद्यपींना विकून त्यांच्या आरोग्याशी खेळ केला जातो. दुसरीकडे ही प्रतिबंधित दारू विकल्या जात असल्याने राज्य शासनाचाही महिन्याचा कोट्यवधीचा महसूल बुडतो. यामध्ये बुधवारी शेगाव शहरात मध्य प्रदेशातील ह्यब्रॅण्डेडह्ण दारूचाच मोठा साठा शेगाव शहरात उतरविण्यात आला. न्यायालयाच्या आदेशानुसार राज्य आणि राष्ट्रीय महामार्गावरील ५00 मीटरच्या आत मद्य विक्री बंद करण्यात आली, यात शेगावातील सर्वच बीअर बार आणि काही दारूची दुकाने बंद करण्यात आली. आता शहरात फक्त दोन देशी-विदेशी दारूची दुकाने सुरू असल्याने मद्यपींची मोठी अडचण निर्माण झाली आहे. ही अडचण पाहता अवैध दारू विक्रीचा व्यवसाय करणार्‍यांसह काही नवखे या व्यवसायात उतरल्याचे दिसून येत आहे. दोन दिवसांपूर्वीच शेगावच्या एका राजकारणी महिलेच्या सुपुत्रास अवैधरीत्या दारूची वाहतूक करताना रंगेहाथ पकडण्यात आले. विशेष म्हणजे दारूची वाहतूक करण्यासाठी स्कर्पिओ गाडीचा उपयोग करण्यात आला. यावरून या व्यवसायाकडे आता अनेकजण आकर्षिल्या जात असल्याचे दिसून येत आहे. यात बुधवारी शेगावात मध्य प्रदेशातील प्रतिबंधित दारूची एक मोठी खेप उतरल्याची माहिती प्राप्त झाली आहे. ट्रकभर उतरलेला साठा दोन तासातच शहरात वितरित करण्यात आलो.