खूनप्रकरणी पोलीस कोठडी

पत्नीची केली हत्या ; देवधाबा येथील घटना.

मलकापूर (जि. बुलडाणा) : परपुरूषाशी अनैतिक संबंध असल्याचे आरोपावरून स्वत:च्या पत्नीचा गळा आवळून खुन केल्याप्रकरणी आरोपी पतीला येथील न्यायालयाने पाच दिवसांच्या पोलीस कोठडीत ठेवण्याचे आदेश २ रोजी दिलेत. देवधाबा येथे प्रकाश दामोधर गलवाडे (वय ४३) ह्याने पत्नीच्या चरित्र्यावर संशय आरोप करीत तीचा गळा आवळून खून केल्याची घटना १ रोजी घडली. याप्रकरणी मृतक शारदा प्रकाश गलवाडे (वय ३२) यांची बहीण डिंपल पाटील (वय २३) यांनी दिलेल्या फिर्यादीवरून प्रकाश गलवाडे विरूध्द खुनाचा गुन्हा दाखल झाला व त्याचबरोबर आरोपीला गजाआड करण्यात आले. २ रोजी प्रकाश गलवाडे याला न्यायालयात उभे करण्यात आले. पोलिसांची बाजु ऐकुन प्रथम वर्ग न्यायाधिश आर.आर. खान यांनी आरोपीला पाच दिवसांच्या पोलीस कोठडीचे आदेश दिले.