चंदनशेष क्रीडा मंडळाच्या मैदानावर वृक्षारोपण

सामाजिक वनीकरण विभाग, बुलडाणामार्फत महाराष्ट्र रोजगार हमी योजनेअंतर्गत श्री चंदनशेष क्रीडा मंडळ, सवणाच्या मैदानावर या कार्यक्रमाचे आयोजन करण्यात आले होते. याप्रसंगी अप्पर जिल्हा पोलीस अधीक्षक बनसोडे, पायघन, तहसीलदार येळे, नायब तहसीलदार वीर, वन परिक्षेत्र अधिकारी तळणीकर, नंदकिशोर गायकवाड, सत्यभामा सुरडकर या प्रमुख पाहुण्यांच्या हस्ते वृक्षारोपण करण्यात आले. मंडळाचे अध्यक्ष पदमाकर भुतेकर यांनी सर्व पाहुण्यांचे स्वागत केले. ग्रामपंचायत सदस्य शिवा देव्हडे, भुतेकर, अनिल एखंडे, सतीश नवले, केदार, कासारे हेसुध्दा याप्रसंगी उपस्थित होते. मंडळाचे पदाधिकारी ज्ञानेश्वर करवंदे, विजय भुतेकर, सुभाष वीर, शिवा भुसारी, सखाराम सोळंकी यांनीही वृक्षारोपण केले.

दीड हजार वृक्षांचे तीन वर्षे संगोपन

गजानन वीर वनरक्षक यांच्या सहकार्याने मैदानाच्या सीमेलगत चारीबाजूने १५०० वृक्ष लागवड करण्यात येऊन सामाजिक वनीकरण विभागामार्फत ३ वर्षे या वृक्षांचे संगोपन करण्यात येणार आहे. मंडळाचे सचिव कैलास करवंदे यांनी आभार मानले.