Buldhana News | Latest Buldhana News in Marathi | Buldhana Local News Updates | ताज्या बातम्या बुलढाणा | बुलढाणा समाचार | Buldhana Newspaper

लोणार तालुक्यातील बिबी पोलिस ठाण्याच्या हद्दीत पिंप्री खंदारे गावानजीक मारुती मंदिराच्या जवळ हा अपघात झाला. यामध्ये मनप्रीत तेजिंदरसिह नारंग (रा. मलाड, मुंबई) व अक्षय राऊत (रा. घराळा सेलू, ता. सेलू, जि. वर्धा) या दोघांचा मृत्यू झाला आहे. दरम्यान, निकिता राऊत आणि त्यांचा मुलगा हे गंभीर जखमी असून त्यांना उपचारासाठी जालना येथे हलविण्यात आले आहे. या अपघातामध्ये कारमधील एकाचा व दुचाकी चालकाचा मृत्यू झाला आहे.शुक्रवारी दुपारी एका कारमध्ये (एमएच-३२- वाय-५२३८) अक्षय राऊत व त्यांचे कुटुंबीय सिंदखेडराजाकडून मेहकरकडे जात होती. त्याचवेळी विरुद्ध दिशेने दुचाकीवर मनप्रीत तेजिंदरसिंह नारंग (एमएच-४७-एम-१३००) हे सिंदखेडराजाकडे जात होते. पिंप्री खंदारे गावानजीक दुचाकी व कारची दुपारी दीड वाजेच्या सुमारास जबर धडक झाली. त्यात मनप्रीत नारंग यांचा जागीच मृत्यू झाला तर कारमधील अक्षय राऊत, निकिता राऊत त्यांचा मुलगा या गंभीर जखमींना बिबी ग्रामीण रुग्णालात उपचारासाठी दाखल करण्यात आले. त्यापैकी अक्षय राऊत यांचा उपचारादरम्यान मृत्यू झाला तर गंभीर जखमी निकिता राऊत व त्यांचा मुलगा यांना जालना येथे उपचारासाठी हलविण्यात आले आहे.अपघाताची माहिती मिळताच ठाणेदार लहू तावरे, पोलिस कॉन्स्टेबल सुभाष गिते, पंडित नागरे, मोहंमद परसुवाले, प्रकाश नायमानेसह अन्य पोलिस कर्मचारी घटनास्थळी दाखल झाले होते. घटनेचा पंचनामा करून पोलिसानी मागावरील वाहतूक सुरळीत केली. अपघातग्रस्त दुचाकी ही पोलिस ठाण्यात जमा करण्यात आली आहे. दरम्यान, या अपघातात कारचेही मोठे नुकसान झालेले आहे. अपघातात मृत्यू पावलेल्या दोघांचेही पार्थिव हे बिबी ग्रामीण रुग्णालयात ठेवण्यात आले आहे. वृत्त लिहीपर्यंत बिबी पोलिस ठाण्यात गुन्हा दाखल करण्याची प्रक्रिया सुरू होती.

Buldhana (Marathi News)

Gram Panchayat reservation ग्रामपंचायतींचे सदस्य व सरपंच पदाच्या आरक्षणाची टक्केवारी अधिक होत असल्याचा मुद्दा जोडण्यात आला. ...

Accident News अपघातात कार चालक निलेश साहेबराव दामोधर (वय-२६) रा. कृष्णा नगर नांदुरा हे ठार झाले. ...

Coronavirus in Buldhana : सिंदखेड राजा तालुक्यातील राजेगाव येथील एका वृद्ध महिलेचा उपचारादरम्यान मृत्यू झाला. ...

Water supply schemes in Buldana district जवळपास ४५० कोटी २१ लाख रुपयांचा खर्च अपेक्षित असल्याची माहिती समोर आली आहे. ...

Accident News मृत्यू पावलेल्या दोघांपैकी एक जण वर्धा जिल्ह्यातील तर दुसरा हा मुंबईमधील मलाड भागातील आहे. ...