शेतरस्त्याच्या वादातून एकाला मारहाण

अमडापूर येथील घटना.

अमडापूर (जि. बुलडाणा) : शेतातून रस्ता नसताना ट्रॅक्टर व बैलगाडी घेऊन जाणार्‍यास हटकणार्‍यास एका इसमाला दोघांनी मारहाण केली. ही घटना १ जुलै रोजी दुपारी १ वाजेच्या सुमारास वरखेड शिवारात घडली. मधुकर परसराम रावे यांनी अमडापूर पोलिसात तक्रार दिली की, १ जुलै रोजी दुपारी ते शेतात काम करीत होते. त्यांच्या शेतातून रस्ता नसताना सदाशिव लक्ष्मण रावे, समाधान सदाशिव रावे दोघेही रा.वरखेड यांनी ट्रॅक्टर व बैलगाडी नेली. दरम्यान, मधुकर रावे यांनी त्यांना हटकले असता, या दोघांनी शिवीगाळ करीत त्यांना मारहाण केली. या तक्रारीच्या आधारे सदाशिव रावे, समाधान रावे या दोघांवरही गुन्हा दाखल केला आहे.