एसटी बस-दुचाकी अपघातात एक ठार

औरंगाबादवरुन येणा-या एसटीने दिली धडक.

धाड(जि. बुलडाणा), दि. ३१- जवळच असलेल्या ग्राम म्हसलानजीक एसटी बस आणि दुचाकीची समोरासमोर जोरदार धडक होऊन या अपघातात दुचाकीवरील एक युवक ठार झाला असून दोन महिला गंभीर जखमी झाल्याची घटना ३१ डिसेंबर रोजी सकाळी ९.३0 वाजता घडली. धाड पोलीस स्टेशनअंतर्गत येणार्‍या ग्राम म्हसलाजवळ असलेल्या एका वळणावर औरंगाबादवरून येणारी एम.एच.१४ बीटी ४३0६ या क्रमांकाची औरंगाबाद-जळगाव जामोद बस आणि एम.एच.२0 बी.एल. २२१४ या क्रमांकाची दुचाकीची जोरदार धडक होऊन अपघात झाला. या अपघातात दुचाकीचालक अमोल सदाशिव आराख (वय २८) हे जागीच ठार झाले. तर दुचाकीवरील कावेरी सदाशीव आराख आणि सुलोचना काकडे सर्व रा. मिलिंदनगर, बुलडाणा गंभीररीत्या जखमी झाले आहे. घटना घडल्यानंतर नागरिकांनी १0८ रुग्णवाहिकेतून जखमींना बुलडाणा येथे उपचारार्थ रवाना केले आहे. पोलिसांनी घटनास्थळी पंचनामा करून बसचालकासह बस ताब्यात घेऊन एसटी चालक अरुण अंबादास माल्टे यांना अटक केली आहे. पुढील तपास धाड पोलीस करीत आहेत.