अन्न व्यावसायिकांनी परवाना नोंदणीसाठी फॉसकॉस प्रणालीचे बंधन

जिल्ह्यातील सर्व अन्न पदार्थांचे उत्पादक, वितरक, घाऊक व किरकोळ विक्रेते, हॉटेल, रेस्टॉरंट, डेअरी व्यवसायधारक, अन्नपदार्थ साठविणारे गोदाम, हातगाडीवर चहा, नाश्ता, पाणीपुरी, भेळपुरी, फरसाण, फळे व भाजीपाला विक्रेते व इतर खाद्य अन्नपदार्थ विक्रेते, भाजी मंडईत असणारे विक्रेते आदींनी परवाना नोंदणीसाठी फॉसकॉस प्रणालीचा वापर करावा, असे आवाहन करण्यात आले आहे. कृषी उत्पन्न बाजार समितीतील अडत विक्रेते, वखार महामंडळ, दूध संकलन केंद्र, घरोघरी दूध घालणारे विक्रेते, हातगाडीवर आईस्क्रीम व थंडपेय, पॉपकॉर्न, खवा, मावा विक्रेते, इतर सर्वप्रकारचे खाद्यपदार्थ विक्रेते यांनी अन्नसुरक्षा व मानदे कायद्यांतर्गत परवाना व नोंदणी करणे आवश्यक आहे. फॉसकॉस या संकेतस्थळावर जाऊन ऑनलाइन अर्ज करून परवाना व नोंदणी प्राप्त करून घ्यावी, त्यासाठी सेतू किंवा सीएससी केंद्र यांची मदत घेतली जाऊ शकते, अथवा स्वत: ऑनलाइन पद्धतीने अर्ज सादर करून परवाना किंवा नोंदणी प्रमाणपत्र प्राप्त करून घेता येते, अशी माहिती अन्न व औषध प्रशासनाच्या वतीने देण्यात आली आहे. जिल्ह्यातील सर्व अन्न व्यावसायिकांनी या सुविधेचा लाभ घेऊन परवाना व नोंदणी प्रमाणपत्र प्राप्त करून घ्यावे, असे आवाहन अन्न व औषध प्रशासनाच्या वतीने करण्यात आले आहे.