इंधन दरवाढीच्या निषेधार्थ राष्ट्रवादी काँग्रेस आक्रमक

मलकापूरात पदाधिकारी व कार्यकर्यांनी भररस्त्यावर पायी मोटारसायकली चालवून आगळे वेगळे आंदोलन केले.

ठळक मुद्दे राष्ट्रवादी काँग्रेसच्या आंदोलनास हनुमान चौकातून सुरुवात झाली. पदाधिकारी व कार्यकर्ते बुलढाणा रस्त्यावरून तहसील कार्यालयात धडकले.

मलकापूर ः पेट्रोल व दरवाढ नागरिकांना वेठीस धरत आहे.त्याच्या निषेधार्थ राष्ट्रवादी काँग्रेसच्या वतीने जिल्हा उपाध्यक्ष संतोषराव रायपूरे यांच्या नेतृत्वाखाली आक्रमक पवित्रा घेतला.मलकापूरात पदाधिकारी व कार्यकर्यांनी भररस्त्यावर पायी मोटारसायकली चालवून आगळे वेगळे आंदोलन केले.आज बुधवारी दुपारी १२ वाजता राष्ट्रवादी काँग्रेसच्या आंदोलनास हनुमान चौकातून सुरुवात झाली. पेट्रोल व डिझेल दरवाढ कमी झालीच पाहिजे,सरकार चा निषेध असो निषेध असो,राष्ट्रवादी काँग्रेसचा विजय असो अशा घोषणा अशा घोषणा देत पायी मोटार सायकल चालवत पदाधिकारी व कार्यकर्ते बुलढाणा रस्त्यावरून तहसील कार्यालयात धडकले.त्या ठिकाणी उपविभागीय अधिकारी सुनील विंचनकर यांना निवेदन सादर करण्यात आले. यावेळी राष्ट्रवादी कॉंग्रेसचे जिल्हा उपाध्यक्ष संतोषराव रायपूरे, तालुका अध्यक्ष माधवराव गायकवाड,शहर अध्यक्ष शाहीद शेख,पं स सदस्य सुरेश पाटील, बबनराव तायडे,सरपंच संघटना अध्यक्ष बाळासाहेब पाटील, खविस अध्यक्ष अरूण पाटील,डॉ अशोक सुरडकर, शुभम लाहुडकर,विलास घुले,रामेश्वर पवार,आदीसह असंख्य पदाधिकारी व कार्यकर्ते सामील होते.(तालुका प्रतिनीधी)