खड्ड्याचे नामकरण करून मनसेने केले अनोखे आंदोलन

मेहकर- शेगांव-पंढरपूर पालखी मार्गाला काहीच दिवसात लोणार फाट्याजवळ खड्डे पडल्याने महाराष्ट्र नवनिर्माण सेनेच्या वतीने या नवीन खड्ड्यांचे नामकरण करत महाराष्ट्र राज्य रस्ते विकास महामंडळ व संबंधित ठेकेदाराचा निषेध नोंदवत शनिवारी अनोखे आंदोलन केले़

मनसेचे जिल्हा उपाध्यक्ष लक्ष्मण जाधव यांच्या नेतृत्वात करण्यात आलेल्या या आगळ्या वेगळ्या आंदोलनात शेगांव-पंढरपूर पालखी मार्गाचे काम किती निकृष्ट झाल्याचा आराेप मनसेने केला आहे़ तसेच कुंभकर्णी झोपेत असलेल्या एमएसआरडीसी व ठेकेदाराला जागे करण्यासाठी या खड्ड्यांचे नामकरण कवट्या महाकाळ असे करून निषेध व्यक्त करण्यात आला. या वेळी संबंधित विभागाच्या विरोधात जोरदार घोषणाबाजी करण्यात आली़ या वेळी मनसे तालुका प्रमुख संतोष अंभोरे, शहर अध्यक्ष सुधीर रायते, तालुका उपाध्यक्ष शत्रुघ्न चेके, विजय वायाळ, मनोज खंदारे,राम आड़े, तालुका संघटक अंकित पाटिल, मनविसे तालुका प्रमुख राहुल बोड़खे,मनविसे शहर अध्यक्ष आदिनाथ सुरुशे,स्वप्नील दुधाट,गणेश रास्कर सह इतर पदाधिकारी व कार्यकर्ते उपस्थित होते.