विवाहितेचा छळ

खामगाव व मलकापूरात विवाहितेच्या छळाच्या दोन घटना.

खामगाव (जि. बुलडाणा) : माहेरवरून पाच लाख रूपये आणण्यासाठी शारीरिक व मानसिक छळ होत असल्याची फिर्याद विवाहितेने २५ फेब्रुवारी रोजी दिल्यावरून मलकापूर शहर पोलिसांनी चार जणांविरूद्ध गुन्हा दाखल केला. याबाबत पुष्पा विनोद पाटील (वय ३0) रा. कल्याण या विवाहितेने फिर्याद दिली की, विनोद लक्ष्मण पाटील, जिजाबाई लक्ष्मण पाटील, विजया विनोद पाटील, प्रवीण लक्ष्मण पाटील सर्व रा. यशोधाम मलकापूर यांनी २१ फेब्रुवारीचे पूर्वी माहेरवरून ५ लाख रुपये आण, या कारणावरून शिवीगाळ करीत मारहाण केली तसेच जीवे मारण्याची धमकी देऊन शारीरिक व मानसिक छळ केला. या आशयाच्या फिर्यादीवरून मलकापूर शहर पोलिसांनी उपरोक्त चार जणांविरूद्ध कलम ४९८ अ, ३२३, ५0४, ५0६, ३४ भादंविनुसार गुन्हा दाखल केला आहे. त्याचप्रमाणे विवाहितेचा शारीरिक व मानसिक छळ केल्याने विवाहितेच्या फिर्यादीवरून मलकापूर शहर पोलिसांनी २५ फेब्रुवारी रोजी सात जणांविरूद्ध गुन्हा दाखल केला आहे. याबाबत परविनबानो इब्राहीमखान (वय २0) रा.नागधाम मोहोल्ला मालेगाव ह.मु. पारपेठ मलकापूर या विवाहितेने २५ फेब्रुवारी रोजी मलकापूर शहर पोलीस स्टेशनला फिर्याद दिली. या फिर्यादीमध्ये नमूद केले आहे की, माहेरवरून ५0 हजार रूपये आण, या कारणावरून ९ फेब्रुवारी रोजी इब्राहीमखान इस्माईल खान, इस्माईल खान इसरारखान, शमीमबानो इस्माईलखान, मियाबी, रूबीनाबी इस्माईलखान, सलमानखान इस्माईल खान, यासीन खान इस्माईल खान अशा सात जणांनी माहेरवरून ५0 हजार रूपये आण, या कारणावरून मारहाण केली; तसेच शारीरिक व मानसिक छळ करून जीवे मारण्याची धमकी दिली. या फिर्यादीवरून पोलिसांनी उपरोक्त सात जणांविरूद्ध कलम ४९८ अ, ३२३, ५0४, ५0६, ३४ भादंविनुसार गुन्हा दाखल केला आहे.