जिल्ह्यात कोरोनाचे चार बळी, ६९० जण पॉझिटिव्ह

पॉझिटिव्ह आलेल्यांमध्ये बुलडाणा ९५, दहीद ४, गोंधनखेड २, पाडळी २, धाड ८, अंबोडा २, गिरडा ३, शिरपूर २, चिखली ५७, टाकरखेड हेलगा २, उंद्री ४, भालगाव ३, सोमठाणा २, कोनड ३, खैरव २, इसरूळ २, किन्ही नाईक २, काटोडा ३, बोरगाव काकडे ३, शेलसूर २, खंडाळा ३, ढासाळवाडी ३, मलगी ९, नायगाव २, पांढरदेव २, दे. घुबे २, मेहकर १०, दौलत गव्हाण २, हिवरा आश्रम २, जानेफळ २, जळगाव जामोद ६, नांदुरा २७, महाळुंगी २, आलमपूर २, नारखेड २, वडनेर ९, टाकळी २, शेलगाव बाजार २, किन्होळा ६, पिं. देवी २, बोराखेडी ७, मोताळा २३, शेगाव ७४, जलंब २, खामगाव ५५, लाखनवाडा ६, पिंप्री देशमुख १, आवार २, चिंचपूर ७, आंबेटाकळी २, मलकापूर १९, नरवेल ३, लासुरा ६, कुंड बु. २०, लोणवडी ४, भोसा २, रताळी ६, साखरखेर्डा ४, वसंत नगर ७, सावखेड तेजन २, दे. राजा २५, दे. मही ३, सिनगाव जहा १०, लोणार ८, जळगाव जिल्ह्यातील हरणखेड येथील एक, अकोला जिल्ह्यातील कसुरा, माळेगाव, काजीखेड येथील प्रत्येकी एक जण कोरोना बाधितांचा यात समावेश आहे.

दरम्यान खामगाव तालुक्यातील गोंधनापूर येथील ६५ वर्षीय व्यक्ती, शेगाव तालुक्यातील लासुरा येथील ८५ वर्षीय व्यक्ती, चिखली शहरातील सुभाषनगरमधील ५८ वर्षीय व्यक्ती, मेहकर तालुक्यातील हिवरा आश्रम येथील ८५ वर्षीय व्यक्तीचा कोरोनामुळे रुग्णालयात उपचारादरम्यान मृत्यू झाला आहे. दरम्यान बुधवारी ३०४ जणांनी कोरोनावर मात केल्यामुळे त्यांना रुग्णालयातून सुटी देण्यात आली आहे.

--१,६७,२५८ जणांचे अहवाल निगेटिव्ह--

आतापर्यंत तपासणी करण्यात आलेल्या १ लाख ६७ हजार २५८ संदिग्धांचे अहवाल निगेटिव्ह आले आहेत. २२ हजार ६८३ जणांनी आतापर्यंत कोरोनावर मात केली आहे. जिल्ह्यातील एकूण कोरोना बाधितांची संख्या आता २६ हजार ९२० झाली आहे. त्यापैकी ४०११ सक्रिय रुग्ण असून रुग्णालयात त्यांच्यावर उपचार सुरू आहेत. आजपर्यंत जिल्ह्यात २२६ जणांचा कोरोनामुळे मृत्यू झाला आहे.

--सरासरी चाचण्या वाढल्या--

जिल्ह्यात कोरोनाच्या सरासरी चाचण्या वाढल्या आहेत. त्यामुळे कोरोना बाधित रुग्णांचेही प्रमाण वाढले आहे. रुग्ण संख्या वाढत असल्याचे दिसत असले तरी जिल्ह्याचा पॉझिटिव्हिटी रेट हा १३ टक्क्यांवर स्थिरावला आहे. तो दहा टक्क्यांच्या खाली आणावयाचा आहे. जिल्ह्यात कोरोनामुळे मृत्यू पावलेल्या २२६ जणांमध्ये वयोवृद्धींची तथा दुर्धर आजार असणाऱ्यांची संख्या सर्वाधिक असल्याचे आरोग्य विभागातील सूत्रांनी सांगितले. त्यामुळे घरातील वृद्धांची सर्वांनी काळजी घेण्याची गरज आहे.