विनापरवाना शस्त्रासह पाच जण ताब्यात

बुलडाणा जिल्ह्यातील धामणगाव बढे येथील घटना; ५ लाखांचा माल जप्त.

मोताळा (जि. बुलडाणा): धामणगाव बढे पोलिसांनी २ जुलैच्या रात्री पेट्रोलिंग करीत असताना, पिंपळगाव देवी फाट्यावर संशयितरित्या वावरत असलेल्या एका क्रूझर गाडीमधून धारदार शस्त्रासह पाच जणांना ताब्यात घेतले. अटक केलेल्या आरोपींना आज न्यायालयात हजर केले असता, त्यांना एक दिवसाची पोलीस कोठडी सुनावण्यात आली आहे. धामणगाव बढे पोलीस स्टेशनपासून १ किमी अंतरावरील पिंपळगाव देवी फाट्यावर २ जुलैच्या रात्री पेट्रोलिंग करीत असताना, पेट्रोलिंग पथकातील पोकॉ. तारांचद राठोडसह इतर कर्मचार्‍यांना क्रूझर क्रमांक एम. एच. २८ व्ही ३९५0 या वाहनामध्ये काही तरुण संशयितरित्या वावरत असल्याच्या हालचाली दिसल्या. दरम्यान, वाहनामधील १0 ते ११ जणांची चौकशी केली असता, अवैधरित्या विनापरवाना दोन धारदार मोठे कोयते व पाच नग फायबरचे दांडे पाच जणांजवळ मिळून आले. यावरून तपास अधिकारी सपोनि सेवानंद वानखडे यांनी कैलास प्रल्हाद पिंपळे (वय २४) रा. जगदंबा नगर बुलडाणा, प्रवीण हर्षवर्धन गवई (वय २३) रा. विजय नगर सुंदरखेड बुलडाणा, राजकुमार अजय सोनटक्के (वय १८) रा. फॉरेस्ट कॉलनी बुलडाणा, राहुल गौतम खरे (वय २३) रा. विजय नगर बुलडाणा व विशाल दिलीप जाधव (वय २२) रा. शांतीनगर सुंदरखेड बुलडाणा यांना ताब्यात घेतले. या प्रकरणी पोकॉ. ताराचंद राठोड यांच्या फिर्यादीवरून पाच जणांविरुद्ध कलम ४, २५, भारतीय शस्त्र अधिनियम १९५९ प्रमाणो विनापरवाना अवैधरित्या धारदार शस्त्र बाळगणे व गुन्हे करण्याचे उद्देशाने वावरण्याप्रकरणी गुन्हे दाखल करून अटक केली. आरोपीक डून क्रूझर किं मत ५ लाख रुपये, २ कोयते किंमत १ हजार, ५ नग फायबर दांडे किंमत पाचशे रुपये असा एकूण ५ लाख १ हजार पाचशे रुपयांचा मुद्देमाल जप्त केला आहे. आरोपींच्या तपासकामी ठाणेदार वानखडे यांच्या मार्गदर्शनाखाली पोहेकॉ. माधव पेटकर, पोकॉ. शिवशंकर वायाळ, पोकॉ. ज्ञानदेव डाबेराव, पोकॉ. गणेश वाघ, पोकॉ. शशिकांत शिंदे, पोकॉ. अशोक येरळीकर पुढील तपास करीत आहे