शेतीच्या वादातून हाणामारी

शेताच्या जुन्या वादावरुन हाणामारी झाल्याची घटना आज १७ जून रोजी येथे घडली. याप्रकरणी परस्परविरोधी तक्रारीवरुन पोलिसांनी ९ जणांविरुध्द गुन्हा दाखल केला आहे.

अमडापूर : शेताच्या जुन्या वादावरुन हाणामारी झाल्याची घटना आज १७ जून रोजी येथे घडली. याप्रकरणी परस्परविरोधी तक्रारीवरुन पोलिसांनी ९ जणांविरुध्द गुन्हा दाखल केला आहे. आज सकाळी ८.३0 वाजता काही लोकांसोबत शेतात गेली असता शे.मस्तान शे.हायात, शे.वहिद शे.मस्तान, शे.जावेद शे.मस्तान, शे.शहीद सर्व रा.अमडापूर हे शेतात काम करीत असतांना शेतात काम करु नका असे त्यांना हटकले असता त्यांनी मारहाण केली, अश्या मिनाबी सय्यद सलीम वय ५0 रा.अमडापूर ह.मु.नागपूर यांच्या तक्रारीवरुन पोलिसांनी गुन्हा दाखल केला आहे. तर मो.सईद मो.मस्तान याने तक्रार दिली की, मिनाबी शे.सलीम शे.सुलेमान, मो.हासीम, सयदाबी, अधिक १ असे शेतात काम करीत असता शेतात आले व हे शेत आमचे आहे असे म्हणून शिवीगाळ करुन दगडाने डोक्यावर मारुन मला व वडील मस्तान असे दोघांना जखमी केले. अशी तक्रार मो.सईद मो.मस्तान वय ३२ रा.अमडापूर यांनी दिली. या तक्रारीवरुन पोलिसांनी कलम १४३,१४७,१४९,३२४,४0७,५0४,५0६ भादवीप्रमाणे गुन्हा दाखल केला आहे. पुढील तपास अमडापूर पोलिस करीत आहे.