वीज पंपाचे स्टार्टर दगडाने ठेचले

पिंपळगाव सोनारा येथील घटना : बारा शेतक-यांचे नुकसान.

साखरखेर्डा (सिंदखेडराजा, जि. बुलडाणा) : सिंदखेडराजा तालुक्यातील पिंपळगाव सोनारा येथील १२ शेतकर्‍यांच्या शेतातील साहित्याचे लाखो रुपयांचे नुकसान अज्ञात माथेफिरूने केल्याची घटना १७ डिसेंबरच्या रात्री घडली आहे. पिंपळगाव सोनारा येथील गुलाबराव वायाळ, मारोती वायाळ, एकनाथ पंजरकर, जगाराव पंजरकर, शंकर वायाळ, गणेश कनखर, तेजराव पंजरकर, हनवंता पंजरकर यांच्सासह १२ शेतकर्‍यांच्या शेतात जाऊन अज्ञात माथेफिरूंनी मोटारीचे स्टार्टर दगडाने ठेचून नष्ट केले. त्यानंतर बोअरवेलचे केबल आणि पाईप तोडून बोअरवेलमध्ये टाकले. विहिरीवरील पंप तोडून मोटारसह पाण्यात टाकले, केबल तोडून विहिरीत फेकून देला. असले विचित्र प्रकार अज्ञात माथेफिरूने केल्याने १२ शेतकर्‍यांचे लाखो रुपयांचे नुकसान झाले आहे. गुलाबराव वायाळ यांच्या शेतातील स्पिंकलर पाईपचे तुकडे करून इतरत्र फेकून दिले; परंतु यातील एकही वस्तू चोरून नेली नाही. मागील वर्षीसुद्धा असाच प्रकार या गावात घडला हो ता. रब्बी पिकाचा हंगाम सुरू असल्याने नेमके विद्युत साहित्याचे नुकसान केल्याने त्या शेतकर्‍यांना नव्याने साहित्य खरेदी करावे लागत आहे. दरवर्षी हा प्रकार घडत असल्याने शेतकरी वैतागले आहेत, अशी माहिती तंटामुक्तीचे अध्यक्ष तोताराम ठोसरे यांनी दिली.