खामगाव (बुलडाणा) : शेतात पºहाटीचे सरण रचून एका वृद्ध दाम्पत्याने आत्महत्या केल्याची घटना शुक्रवारी तालुक्यातील जयपूर लांडे येथे उजेडात आली. श्रीकृष्ण लांडे (७५) व त्यांची पत्नी सईबाई लांडे (७०) हे दोघे गुरुवारी सकाळी गावाजवळच असलेल्या त्यांच्या शेतात नेहमीप्रमाणे काम करण्यासाठी गेले होते; परंतु दोघेही उशिरापर्यंत घरी परत आले नाहीत. त्यामुळे त्यांचा मुलगा भानुदास आणि पुतण्या हे दोघे रात्री त्यांना पाहण्यासाठी शेतात गेले. त्यावेळी दोघांचेही मृतदेह पºहाटीच्या गंजीत जळालेल्या अवस्थेत दिसून आले.
घटनेची माहिती मिळताच शहर ठाणेदार सुनील अंबुलकर कर्मचाऱ्यांसह घटनास्थळी पोहोचले. तेथेच शवविच्छेदन करण्यात आले. या दाम्पत्याचा घरात कुणाही वाद नसताना त्यांनी टोकाचा निर्णय का घेतला, याबाबत प्रश्नचिन्ह उपस्थित केले जात आहे. वृद्ध दाम्पत्याने आत्महत्या केल्याच्या घटनेला शहर पोलीस स्टेशनचे निरीक्षक सुनील अंबुलकर यांनी दुजोरा दिला आहे.