अक्षय्य तृतीयेला रंगतो तीनपत्त्याचा डाव!

मोताळा : घाटावर नागपंचमी तर घाटाखालील मोताळा तालुक्यात अक्षय तृतीयेच्या पर्वावर जुगाराच्या माध्यामातून लाखो रूपयांची उलाढाल होते.

लाखोंची उलाढाल : पोलीस प्रशासनाकडून दुर्लक्षमोताळा : घाटावर नागपंचमी तर घाटाखालील मोताळा तालुक्यात अक्षय तृतीयेच्या पर्वावर जुगाराच्या माध्यामातून लाखो रूपयांची उलाढाल होते. जुगाराची खुमारी एवढी असते अक्षय तृतियेनंतर तीन ते चार दिवसापर्यंत जुगाऱ्यांची खुमारी जात नाही.तालुकाभरात अक्षय तृतियेनिमित्त गावागावांत तीन पत्याचा डाव खेळला जातो. गेल्या अनेक वर्षापासून खेडोपाडी अक्षयतृतियेच्या दिवशी व नंतर तीन ते चार दिवस पत्त्याचे डाव चालतात. यामध्ये तीन पानी (रंग परेल) गेम ला सर्वाधिक पसंती असते. अक्षयतृतियेच्या रात्री अगदी लहान मोठे, गरीब श्रीमंत असे अनेक जण आपली जमा पुंजी जुगाराच्या डावावर लावतात. उन्हाळ्यात येणाऱ्या या सणाला भावनिक किनारही असते. लहान मुले व महिला झोके बांधून, गाणी गावून सण साजरा करतात तर बहुतांश पुरूष मंडळी जुगारात नशीब अजमावतात. वर्षातून एकदा खेळायचे हा बहाना करून अनेक जण आपली हौस या दिवशी पूर्ण करतात. जुगाराच्या हौसेपाई लाखो रूपयांची उधळण केली जाते. अक्षय तृतिया (आखाजी) आली की गावागावांत तरूणांपासून वयस्कर व्यक्ती पत्ते खेळतात. खेडोपाडी, शेतात, घरात पत्त्यांचे डाव रंगतात. यातून लाखो रूपयांची उलाढाल होत असल्याने मोजकेच लोक नशीबवान ठरतात तर अनेक जण कंगाल होतात. जुगाराच्या लालसेपाई अनेक जण व्याजाने पैसे काढतात, तर ग्रामीण भागातील जुगारी लोक घरातील साहित्य गहाण ठेवतात. या काळातील जुगाराची लालसा इतकी तीव्र असते की अनेक जणकिमंती वस्तू बेभावाने विकून जुगाराची हौस पूर्ण करतात. यामध्ये घड्याळी, सोन्याच्या आंगठ्या, चैन, आदींचा समावेश असतो. जुगाराची खुमारी एवढी असते की दोन ते तीन दिवस एक व्यक्ती एका जागेवरून उठत नाही. परंपरागत पद्धतीच्या नावावर गावागावांत हा जुगार अक्षय तृतियेच्या दिवसी खेळल्या जातो. शहराची शांतता धोक्यात येण्याची शक्यताशालेय विद्यार्थी व बेरोजगार तरूण पिढीला जुगाराचे व्यसन लागल्यामुळे शांतता धोक्यात येण्याची शक्यता आहे. जुगार खेळतांना पैसे कमाविण्याच्या नादात शालेय विद्यार्थी व तरूणांना गुटखा, तंबाखू, सिगारेट व दारूचे व्यसन लागते. जुगार खेळणारेच विविध प्रकारच्या गुन्हेगारीत सामील असल्याची अनेक उदाहरणे समोर आलेली आहेत. याकडे लक्ष पोलिस प्रशासनाकडून लक्ष देण्यात यावे अशी मागणी होत आहे.