उर्सला भाविकांची गर्दी उसळणार

हिंदू मुस्लिम बांधवांच्या आस्था व एकात्मतेचे प्रतिक अशी तुमसर तालुक्यात आंबागडच्या हिरव्या गार वनश्रीने नटलेल्याबंदरझीरा येथील सैय्यद सिद्धीक शहा बाबा यांची दर्गा आहे. २६ मे रोजी येथे

भंडारा : हिंदू मुस्लिम बांधवांच्या आस्था व एकात्मतेचे प्रतिक अशी तुमसर तालुक्यात आंबागडच्या हिरव्या गार वनश्रीने नटलेल्याबंदरझीरा येथील सैय्यद सिद्धीक शहा बाबा यांची दर्गा आहे. २६ मे रोजी येथे उर्सनिमित्त १0 हजारावर भाविक हजेरी लावणार आहेत.

या संदर्भात जाणकार व ग्रीनहेरिटेचे संस्थापक अध्यक्ष सईद शेख यांच्या माहितीनुसार, ३00 वर्षापूर्वी या परिसरात हजारो एकर क्षेत्रात अत्यंत घनदाट जंगल होते. कुठेही पाण्याचे झरे व तलावांचा थांगपत्ता नव्हता. भयावह दुष्काळाच्यावेळी अचानक अरब येथून बाबा सिद्धीक शाह र.अ. यांचे येथे आगमन झाले. त्यांचो सोबत शिष्य बाबा बासगीर हे पण आले होते. येथील पर्वताच्या गुहेत राहून त्यांनी संपूर्ण मानवजातीच्या कल्याण, सुख, समृद्धी, शांती व अमनकरिता प्रार्थना केली. फलस्वरुप संपूर्ण परिसरात खूप वर्ष होऊन आटलेले जलस्त्रोत वाहू लागले व सुख, समृद्धी, शांती, सद्भावनेची पहाट उगवून सगळीकडे नवचैतन्य निर्माण झाले. टेकडीच्या पटातून गोड पाण्याचा झरा सतत वाहू लागला. जिथे पशू पक्षी, जनावरे विशेषत: वानरांचे झुंडचे झुंड येथे पाणी प्यायला येत असल्यामुळेच या स्थळाचे नाव बंदरझिरा असे पडले.

दग्र्यावर दरवर्षी हिंदू, मुस्लीम भाविक एकत्रित येवून संपूर्ण मानवजातीचे कल्याण, शांती, समबृद्धी व अमनाची दुआ व प्रार्थना करतात. श्रद्धेने चादर अर्पण करतात.

नागपूरहून १0५ कि.मी. (व्हाया भंडारा - तुमसर - मिटेवान मार्ग) दूर आंबागड गावाशेजारी असून चालताना जंगलातील वनसौंदर्य व भव्य जलाशयचा ही भाविक आनंद लुटू शकतात. दूरदूरून भाविक येथे भेट देतात.

येथे भाविकांकरिता रस्ते, पाणी, विश्रामगृह, सभामंडप आदींची सोय नसल्याने भाविकांना त्रास होत असते. याकरिता प्रयत्न सुरु असून येथील सर्व व्यवस्था समस्त गाववासीयांतर्फे करण्यात येते. उद्या २६ मे (सोमवार)ला उर्स निमित्त भाविकांनी येथील महाप्रसाद (लंगरचा) लाभ घेण्याचे आवाहन समस्त गाववासीयांतर्फे करण्यात आले आहे. (शहर प्रतिनिधी)