मुख्यमंत्री पेयजल योजनेत तीन गावांचा समावेश

येरली प्रादेशिक पाणी पुरवठा योजनेअंतर्गत सिलेगावच्या समावेश आहे.

सिलेगावचा प्रस्ताव नाही : समावेशाकरिता तांत्रिक अडचण
तुमसर : येरली प्रादेशिक पाणी पुरवठा योजनेअंतर्गत सिलेगावच्या समावेश आहे. ज्या गावाचा कोणत्याच पाणीपूरवठा योजनेत समावेश नसतो. त्या गावांचा समावेश मुख्यमंत्री पेयजल योजनेत समावेश करण्यात येतो. तुमसर तालुक्यातील रुपेरा, धनेगाव व मिटेवानी या गावांचा समावेश मुख्यमंत्री पेयजल योजनेत करण्यात आला आहे.
सिहोरा परिसरातील सिलेगाव येथे पाण्याची समस्या आहे. येरली प्रादेशिक पाणीपूरवठा योजनेत सिलेगावचा समावेश केला आहे. पंरतु या योजनेकडे विज वितरण कंपनीचे विज बिल थकीत आहे. सध्या ही योजना केवळ सुरु होती. हे विशेष. इतर पाण्याची काही योजना बंद आहेत.
देव्हाडी येथील महाराष्ट्र जिवन प्राधीकरण योजना मागील सहा वर्षापासून तयार आहे. तालुक्यातील इतर तीन योजनाही बंद आहेत. ह्या योजना चालवायच्या कुणी असा प्रश्न पडला आहे.
यासंदर्भात पंचायत समितीचे गटनेते हिरालाल नागपूरे यांनी तुमसरचे आमदार चरण वाघमारे यांनी भेटून ही समस्या त्यांच्याकडे सविस्तरपणे मांडली होती. त्यावर आमदार चरण वाघमारे यांनी जिल्हा परिषदेचे पाणी पुरवठा विभागाचे उपविभागीय अभियंता यांना यासंदर्भात निर्देश दिले.
येरली प्रादेशिक पाणीपुरवठा योजना येथे सुरळीत सुरु करण्याची मागणी गटनेते हिरालाल नागपुरे यांनी केली. आमदार चरण वाघमारे यांनी पाणीपुरवठा योजनेकरिता प्रस्ताव सादर करा, स्वतंत्र योजना तयार करुन स्त्रोत बनविण्याचे निर्देश दिले. (तालुका प्रतिनिधी)

सिलेगाव येथे मुख्यमंत्री पेयजल योजनेचा प्रस्ताव शासनाला सादर केला नाही. हे गाव येरली पाणीपुरवठा योजनेंतर्गत येते. करण्याकरिता स्वतंत्र प्रस्ताव सादर करावा लागतो. याकरिता तांत्रिक अडचण आहे. आमदारांनी दिलेल्या निर्देशांचा शासनाकडे पाठपुरावा केला जाणार आहे.
-डी. बी. बावनकर, उपविभागीय अभियंता, पं.स. तुमसर
पाण्याकरिता कोणत्याच नागरिकांनी गाव सोडले नाही. पाण्याच्या समस्येकरिता स्वत: आमदारांकडे भेट देऊन समस्या सांगितली. सिलेगावकरिता प्रयत्न करुन समस्या दूर केली जाईल.
-हिरालाल नागपुरे, गटनेते पं.स. तुमसर