भंडारा शहरात तीन दिवस जनता कर्फ्यू

भंडारा शहरात कोविडच्या रुग्ण संख्येत सातत्याने वाढ होत आहे. भंडारा शहरात ७५७ कोरोना बाधीतांची नोंद करण्यात आली आहे. जिल्ह्यात आतापर्यंत दोन हजार २१६ व्यक्ती पॉझिटिव्ह आले असून त्यापैकी भंडारा शहरातील रुग्णसंख्या पाहता कठोर पावले उचलावी लागतील, असे सुतोवाच सोमवारी पालिका प्रशासनाने केले होते. ‘लोकमत’ने याबाबत मंगळवारी वृत्त प्रकाशित केले.

ठळक मुद्देवाढत्या रुग्णसंख्येवर घेतला निर्णय : मंगळवारी ११० व्यक्ती पॉझिटिव्ह, ५९ व्यक्तींना रूग्णालयातून सुटी

लोकमत न्यूज नेटवर्कभंडारा : जिल्ह्यात कोरोनाबाधीतांची संख्या दिवसेंगणीक सातत्याने वाढत आहे. त्यातच भंडारा शहर रुग्णसंख्येच्या बाबतीत हॉटस्पॉट ठरल्यानंतर पालिका प्रशासनाने भंडारा शहरात तीन दिवस जनता कर्फ्यूची घोषणा केली आहे. ११ ते १३ सप्टेंबर या दरम्यान हा कर्फ्यू राहणार असून फक्त दवाखाने, औषधी दुकाने व दूध डेअरी सुरु राहणार आहे.भंडारा शहरात कोविडच्या रुग्ण संख्येत सातत्याने वाढ होत आहे. भंडारा शहरात ७५७ कोरोना बाधीतांची नोंद करण्यात आली आहे.जिल्ह्यात आतापर्यंत दोन हजार २१६ व्यक्ती पॉझिटिव्ह आले असून त्यापैकी भंडारा शहरातील रुग्णसंख्या पाहता कठोर पावले उचलावी लागतील, असे सुतोवाच सोमवारी पालिका प्रशासनाने केले होते. ‘लोकमत’ने याबाबत मंगळवारी वृत्त प्रकाशित केले. दरम्यान मंगळवारी नगराध्यक्ष सुनील मेंढे, उपाध्यक्ष दिनेश भुरे, आमदार नरेंद्र भोंडेकर, पालिका मुख्याधिकारी विनोद जाधव यांच्यासह सर्व पक्षांचे गटनेते, व्यापारी असोसिएशनचे प्रतिनिधी यांच्याशी दूरध्वनीवर झालेल्या चर्चेनंतर शहरात ११, १२ व १३ सप्टेंबर रोजी जनता कर्फ्यूची घोषणा करण्यात आली आहे. कोरोनाचा संसर्ग यामुळे कमी होईल अशी आशाही व्यक्त करण्यात आली असून ७२ तासांचा हा जनता कर्फ्यूचे नागरिकांनी पालन करावे असे आवाहनही पालिका प्रशासनातर्फे करण्यात आले आहे.ही प्रतिष्ठाने राहणार खुलीजनता कर्फ्यू कालावधीत फक्त शहरातील दवाखाने, औषधी दुकाने व दुग्ध डेअरी सुरु राहणार आहेत. वृत्तपत्रांचे वाटपही सुरू राहणार. सकाळी ९ वाजतापर्यंत बाहेर गावाहून येणारे दुग्ध विक्रेते दुधाचे वितरण करू शकतील. १४ सप्टेंबर पासून बाजारपेठा नियमानुसार विहित वेळेत सुरु राहणार आहेत. शहरातील मद्य विक्रीची दुकाने जनता कर्फ्यू कालावधीत बंद ठेवण्याबाबत जिल्हाधिकाऱ्यांना पत्र पाठविण्यात आले आहे.सर्वाधिक रुग्ण भंडारा तालुक्यातमंगळवारी ११० कोरोना बाधीत रुग्ण आढळून आले. विशेष म्हणजे आतापर्यंतच्या अहवालाच्या ग्राफ वर नजर घातल्यास सर्वाधिक रुग्ण भंडारा तालुक्यात आहेत. मंगळवारी आढळलेल्या ११० रुग्णांपैकी भंडारा तालुका ६९, साकोली ४, लाखांदूर १, तुमसर व मोहाडी प्रत्येकी १०, पवनी ४ तर लाखनी तालुक्यात १२ रुग्ण पॉझिटिव्ह आढळले. आतापर्यंत १३ हजार ७७३ व्यक्तींचे घशाचे नमुने घेण्यात आले असून त्यापैकी २२१६ व्यक्ती पॉझिटिव्ह आले आहेत. मंगळवारी ५९ जणांना रुग्णालयातून सुटी देण्यात आली असून आतापर्यंत ११०४ व्यक्ती कोरोनामुक्त झाले आहेत. कोरोनामुळे आतापर्यंत ३७ जणांचा मृत्यू झाला आहे. तसेच आयसोलेशन वॉर्डातून आतापर्यंत १४५३ व्यक्तींना सुटी देण्यात आली असून १६१ व्यक्ती भरती आहेत.भंडारा शहरात कोरोनाबाधितांची संख्या सातत्याने वाढत आहे. यावर प्रतिबंधात्मक उपाय म्हणून ११ ते १३ सप्टेंबर रोजी जनता कर्फ्यू लागू करण्यात येत आहे. नागरिकांचे सहकार्य आवश्यक असून कोविड संसर्गापासून बचाव करण्यासाठी नियमांचे पालन करावे.- विनोद जाधव,मुख्याधिकारी नगरपरिषद भंडारा