राज्य परिवहन महामंडळाच्या एसटी बस हाउसफुल

बॉक्स

प्रवाशांच्या मागणीनुसार बसेसचे नियोजन

भंडारा आगारातर्फे प्रवाशांच्या मागणीनुसार विविध मार्गांवरील बसेसचे नियोजन करण्यात येत आहे. यासोबतच प्रवाशांची मागणी वाढल्यास आणखी बस वाढविण्यात येणार आहेत. सध्या ग्रामीण भागासह दूर अंतरावरील बसेस सुरू केल्या आहेत.

बॉक्स

निर्जंतुक केलेल्या बस प्रवाशांच्या सेवेत

कोरोना संसर्ग कमी झाला असला तरीही एस.टी. महामंडळातर्फे एस.टी. बसचे निर्जंतुकीकरण करण्यात येत आहे. आगारातून बसेस बाहेर काढण्यापूर्वी एस.टी. बसेसचे निर्जंतुकीकरण करून बसेस धावत आहेत.

बॉक्स

तिकीट दर तेवढाच

सातत्याने पेट्रोल-डिझेलची दरवाढ सुरू आहे. मात्र बसच्या तिकीट दरात वाढ होईल असे अनेकांना वाटत होते. मात्र त्यात कोणत्याही प्रकारची वाढ झालेली नसल्याने प्रवाशांचा प्रतिसाद वाढला आहे.

कोट

अत्यावश्यक कामासाठीच प्रवास

कोट

संचारबंदीनंतर बससेवा सुरू झाल्याचा मला मनापासून आनंद झाला आहे. आता एस.टी. बसने प्रवास करता येतो. बसेस सुरू झाल्याने आता कामासाठी जाणे सोयीस्कर झाले आहे.

सागर मेश्राम, प्रवासी

कोट

बस नसल्याने गेल्या दोन महिन्यांपासून मला गावाकडे जाता आले नाही. मात्र आता एस.टी. बस सुरू झाल्याने गावी जाणार आहे.

- अनिता शेंडे, प्रवासी

कोट

कोरोनामुळे बसेस बंद होत्या. आई आजारी होती, तरीही एकदाच जाणे झाले. मात्र आता एस.टी. बस सुरू झाल्याने चंद्रपूरला जात आहे.

संगीता डोर्ले, महिला प्रवासी

कोट

मास्क असलेल्या प्रवाशांनाच बसमध्ये प्रवेश द्यावा. एस.टी.ने प्रत्येक बसचे नियमित सॅनिटायझेशन करावे. प्रवाशांना कोरोना नियमांची सक्ती करावी.

- जयंत केवट, प्रवासी

कोट

एस.टी. बससेवा पूर्ववत सुरू करण्यात आली आहे. भंडारा आगारातून नागपूर, अकोला, वाशिम, राजुरा, परतवाडा, अमरावती, गडचिरोली मार्गांवर एस.टी.सह शिवशाही बसेस सुरू केल्या आहेत. प्रवाशांनी याचा लाभ घ्यावा.

- फाल्गुन राखडे, भंडारा आगारप्रमुख.

कोट

बसेसचे नियमित सॅनिटायझेशन करण्यात येत आहे. प्रवाशांकडूनही चांगला प्रतिसाद मिळत आहे. संचारबंदीनंतर आता एस.टी. महामंडळाच्या अनेक बसेस प्रवाशांच्या सेवेसाठी सुरू केल्या आहेत. प्रवाशांचा खूप चांगला प्रतिसाद मिळत आहे. एस.टी. कर्मचाऱ्यांतर्फे कोरोना नियमपालनाचे प्रवाशांना आवाहन करण्यात येत आहे.

बॉक्स

रेल्वेपेक्षा एस.टी.कडे वाढला कल

भंडारा रेल्वेस्थानक हे शहरापासून २० किलोमीटर अंतरावर आहे. त्यातच कोणत्या रेल्वे गाड्या सुरू आहेत, कोणत्या नाहीत याची माहिती नाही. त्या तुलनेत एस.टी. बसस्थानक भंडारा शहराच्या मध्यवर्ती ठिकाणी असल्याने अनेक प्रवाशांचा एस.टी.कडेच कल वाढला आहे. याशिवाय रेल्वेपेक्षा एस.टी. कर्मचारी यांच्याकडून मिळत असलेली माहिती; तसेच एस.टी. बसमध्ये वृद्ध, विद्यार्थी, अपंगांसाठी असलेल्या विविध योजनांचाही लाभ मिळत असल्याने अनेक जण एस.टी.नेच प्रवास करीत आहेत. त्यामुळे आता एस.टी.चे उत्पन्न वाढण्यास मदत होणार आहे.