लोकमत न्यूज नेटवर्कभंडारा : राज्यस्तरीय कबड्डी स्पर्धामध्ये गंभीर गैरव्यवहार झाल्याचा धक्कादायक आरोप समोर आला आहे. ७२ वी स्पर्धा बल्लारपूर (जि. चंद्रपूर) येथे झाली होती. त्यामध्ये विजेते ठरलेल्या तीन खेळाडूंना प्रमाणपत्रे न देता परस्पर विकली गेली. नंतर त्यांची समजूत घालून तुमसर (जि. भंडारा) येथे झालेल्या ७३ व्या स्पर्धेत भंडारा जिल्हा संघाकडून त्यांना खेळवून गैरप्रकार करण्यात आला, अशी गंभीर तक्रार यवतमाळ जिल्ह्यातील हरजिंदर सिंग हरबन सिंग सौखी यांनी भंडारा जिल्हाधिकारी तसेच तुमसर पोलिसांत नोंदविली आहे.
अमॅच्युअर कबड्डी असोसिएशन ऑफ विदर्भ व भंडारा जिल्हा कबड्डी असोसिएशन यांच्या संयुक्त विद्यमाने ३१ ऑक्टोबर ते २ नोव्हेंबर २०२५ या कालावधीत तुमसर येथे ७३ वी राज्य अजिंक्यपद निवड चाचणी स्पर्धा (आमदार चषक) झाली होती. यात संघ निवड प्रक्रियेत मोठा भ्रष्टाचार झाल्याचा आणि काही खेळाडूंकडून पैसा घेऊन संघात निवड केल्याचा आरोप करण्यात आला आहे.
तक्रारकर्त्याच्या म्हणण्यानुसार, स्पर्धेपूर्वी झालेल्या निवड चाचणीनंतरही भंडारा जिल्ह्याचा अधिकृत संघ जाहीर करण्यात आला नाही. शेवटच्या क्षणी काही निवडक खेळाडूंना गुप्तपणे मैदानात उतरवून सामने खेळविण्यात आले. स्कोरशीटवर खेळाडूंची नावे लिहिली गेली नाहीत आणि सर्व सामने अप्रकाशित स्वरूपात खेळवले गेले, असा गंभीर आरोप करण्यात आला आहे. तुमसर पोलिसांनी या तक्रारीची नोंद केली असून अद्याप गुन्हा दाखल केलेला नाही. सहायक पोलिस निरीक्षक किशोर घोडेस्वार यांच्याकडे या प्रकरणाचा तपास सोपविण्यात आला आहे.
या पदाधिकाऱ्यांवर झाले थेट आरोप
या प्रकरणात असोसिएशनचे जितेंद्रसिंग ठाकूर, सतीश डफले, प्रदीप शेलोकर, तसेच भंडारा जिल्ह्याचे सचिव विनायक वाघ आणि गोंदियाचे सचिव एस. ए. वहाब यांच्यावर थेट आरोप करण्यात आले आहेत. या पदाधिकाऱ्यांकडून पूर्वीपासूनही कबड्डी प्रमाणपत्र विक्री व भ्रष्टाचाराचे प्रकार झाले असल्याचा आरोप हरजिंदर सिंग हरबन सिंग सौखी यांनी केला आहे. या प्रकरणी आता कारवाईकडे लक्ष लागले आहे.
तीन खेळाडूंना प्रमाणपत्र न देता फसविले
बल्लारपूर (चंद्रपूर) येथे पार पडलेल्या ७२ व्या स्पर्धेत गोंदिया जिल्ह्याचे खेळाडू शुभम मेंढे, गौरव राऊत आणि विजय मरस्कुले यांना तृतीय क्रमांकाचे प्रमाणपत्र देण्यात आले नव्हते. ते प्रमाणपत्र पुढे इतर खेळाडूंना विकल्याचा आरोप तक्रारीत असून संबंधितांना धमकावून शांत राहण्यास भाग पाडले गेले असल्याचे हरजिंदर सिंग हरबन सिंग सौखी यांनी म्हटले आहे.
Web Summary : A major scandal has erupted concerning the alleged sale of certificates in state-level Kabaddi tournaments. Complaints filed accuse officials of corruption, including selling certificates and manipulating team selections. Police are investigating these serious allegations of fraud and misconduct within the sport.
Web Summary : राज्य स्तरीय कबड्डी टूर्नामेंट में प्रमाणपत्रों की कथित बिक्री को लेकर एक बड़ा घोटाला सामने आया है। शिकायतों में अधिकारियों पर भ्रष्टाचार, प्रमाण पत्र बेचने और टीम चयन में हेरफेर करने का आरोप लगाया गया है। पुलिस खेल में धोखाधड़ी और कदाचार के इन गंभीर आरोपों की जांच कर रही है।