Bhandara News | Latest Bhandara News in Marathi | Bhandara Local News Updates | ताज्यबातम्या भंडारा | भंडारा समाचार | Bhandara Newspaper

मुख्यमंत्र्यांना निवेदन : प्रकरण जे.एस.व्ही. डेव्हलपर्स इंडियाचेभंडारा : दाम दुप्पट पैसे करून देण्याच्या नावावर आर्थिक फसवणूक करणाऱ्या जे.एस.व्ही. डेव्हलपर्स इंडिया कंपनीची संपत्ती जप्त करून गुंतवणुकदारांची रक्कम त्यांना देण्यात यावी, बाहेर असलेल्या आरोपींना अटक करण्यात यावी, ज्या पोलीस ठाण्यात गुन्हे दाखल करून घेण्यासाठी टाळाटाळ करण्यात येत आहे तिथे गुन्हे दाखल करून घेण्याचे आदेश देण्यात यावे, या मागण्यांसाठी फसवणूक झालेल्या गुंतवणुकदारांनी सामाजिक कार्यकर्ते विष्णूदास लोणरे यांच्या नेतृत्वात जिल्हाधिकारी कचेरीसमोर आंदोलन केले.यासंबंधी जिल्हाधिकाऱ्यांनी शासनाकडे अहवाल पाठविला होता. त्या अहवालानुसार कारवाई करण्यात यावी, असेही आंदोलकांचे म्हणने आहे. जे.एस.व्ही. कंपनीने दाम दुप्पट करून देण्याच्या नावावर आर्थिक फसवणूक केली आहे. रक्कम परत मिळावी म्हणून उपोषण, धरणे केले. ८ डिसेंबर २०१६ रोजी नागपूर हिवाळी अधिवेशनावर मोर्चा काढून गृह राज्यमंत्री दीपक केसकर यांना निवेदन दिले. त्यावेळी त्यांनी संचालकांची संपत्ती जप्त करून गुंतवणूकदारांचे रक्कम परत करण्याचे तसेच सर्व गैरअर्जदारांना अटक करण्याचे आश्वासन दिले होते. त्यानुसार जिल्हाधिकाऱ्यांनी गृह विभागाचे प्रधान सचिव यांना जे.एस.व्ही. कंपनीच्या संचालकांची संस्थेच्या नावाने असलेली मालमत्ता जप्त करण्याचा प्रस्ताव पाठविला. ती मालमत्ता महाराष्ट्र ठेवीदार (वित्तीय संस्थामधील) हित संबंधाचे संरक्षण अधिनियम १९९९ नुसार संपत्ती जप्त करून ग्राहकांची रक्कम मिळण्यात यावी, म्हणून मालमत्ता जप्तीचे आदेश व अधिसूचना मिळण्याची विनंती जिल्हाधिकाऱ्यांनी शासनाला केली आहे. ५ डिसेंबरपासून कारवाई न झाल्यामुळे पिळवणूक झालेल्या गुंतवणूकदारांनी जिल्हाधिकारी कार्यालयासमोर आंदोलन केले. यावेळी जिल्हाधिकारी सुहास दिवसे यांना निवेदन दिलेल्या शिष्टमंडळात मधुकर येरपुडे, ज्ञानेश्वर निकुरे, शामलाल काळे, रमेश बोंदरे, टेकराम मेश्राम, सूरज कुथे, केशवराव बिसने, कन्हैया नागपुरे, विक्रांत तिडके, सलीम पठाण, कल्पना जावळकर, वनिता चवळे, अनिता भुरे, चंद्रभागा कोळवते, छाया राऊत, शैलेश बोंदरे, अविनाश बेलेकर, गिरीधर गभने, प्रमोद येल्लजवार, नुजहत शेख, मकबुल वारशी, वर्षा बोंदरे व गुंतवणूकदार उपस्थित होते. (नगर प्रतिनिधी)

Bhandara (Marathi News)

जिल्ह्यातील अनेक अनेक भागांना सुसाट वाऱ्याचा तडाखा बसला आहे. ...

भंडारा जिल्हा परिषदेने केलेल्या नियमबाह्य ११७ शिक्षकांच्या आंतरजिल्हा बदल्या रद्द झाल्या. ...

बावनथडीचे पाणी बघेडा व कारली जलाशयात सोडण्यासाठी आ.चरण वाघमारे यांनी मध्यस्थी केल्यानंतर .... ...

वरठी येथे असलेल्या एका घरी दारु बनविणाऱ्या अड्यावर धाड घातली. यात तिघांना अटक करण्यात आली. ...

एकेकाळी भंडारा जिल्ह्यासाठी जीवनदायिनी ठरलेली वैनगंगा नदी आता दिवसेंदिवस जीवघेणी ठरू लागली आहे. ...

साडेतीन मुहूर्तांपैकी एक असलेल्या अक्षय्य तृतीयेनिमित्त भंडारा येथील सराफा बाजार तेजीत आला असून, ...