जांभोरा येथे नवनिर्वाचित ग्रामपंचायत सदस्यांचा सत्कार

करडी(पालोरा) : जांभोरा ग्रामपंचायतच्या नवनिर्वाचीत सदस्यांचा सत्कार माजी खा.शिशुपाल पटले यांचा हस्ते करण्यात आला. अध्यक्षस्थानी भाजप नेते तारीक कुरैशी होते. पाहुणे म्हणून माजी आमदार चरण वाघमारे, माजी जि.प. सदस्य डॉ.युवराज जमाईवार, भाजप युवा मोर्चा जिल्हाध्यक्ष निशिकांत इलमे, माजी पं.स. उपसभापती विलास गोबाडे उपस्थित होते. ज्या विश्वासाने गावकऱ्यांनी आपल्याला निवडून दिले. त्याची परतफेड गावाचा विकास करून करावा. ग्रामस्थांशी थेट संपर्क साधून लोकसेवा करण्याची संधी आपल्याला मिळाली, त्याचा सोनं करून सर्वांचे मन जिंकाल, त्याच दिवशी खऱ्या अर्थाने यश संपादन केल्याचा आनंद साजरा करण्यासारखे होईल, असे विचार शिशुपाल पटले यांनी आपल्या भाषणात व्यक्त केले. भाजप नेते तारीक कुरेशी आणि माजी आमदार चरण वाघमारे यांनीही यावेळी मार्गदर्शन केले.

सदर कार्यक्रमाला करडीचे सरपंच महेंद्र शेंडे, माजी पंचायत समिती सदस्य गणेश कुकडे यांनीही नवनिर्वाचित ग्रामपंचायत सदस्यांना व उपस्थितांना मार्गदर्शन केले. यावेळी शिशुपाल पटले यांचाही शाल श्रीफळ देऊन सत्कार करण्यात आला. कार्यक्रमात माजी पं.स. उपसभापती उपेश बांते, मतीन शेख, माजी जि.प. सदस्य निलिमा इलमे, ताराचंद मुंगमोडे, वैशाली बांते, ज्योती कावळे, यातोरात्र मुंगमाडे, कमल कुर्वे प्रामुख्याने उपस्थित होते.